सिटिटेकको गेटपे प्लेटफर्ममा माछापुच्छ्रे बैंक र एनसीएचएलको सफल सहकार्य

रोजगारमञ्च
चैत्र १४, २०८१
0

सिटिटेक ग्रुपले नेपालको पहिलो ‘एकीकृत भुक्तानी संयोजन प्रणाली तथा व्यवसायी व्यवस्थापन सफ्टवेयर’ “गेटपे” लाई नेपाल क्लियरिङ हाउस लिमिटेड सँगको सहकार्यमा, माछापुच्छ्रे बैंक लिमिटेडमा भुक्तानी व्यवस्थापनको सफल सहकार्य गरेको छ ।

सिटिटेक ग्रुप डिजिटल भुक्तानी प्रणालीमा क्रान्तिकारी परिवर्तन ल्याउने संस्थाको रुपमा आफ्नो पहिचान स्थापित गरेको छ । यस संस्थाले हालसम्म फिन प्रो तथा फिनपस जस्तो नवीनतम सफ्टवेयर ल्याएर नेपालमा पहिले नै कार्यान्वयनमा ल्याइसकेको छ । हाल संचालनमा आएको गेटपे बैंक तथा वित्तीय संस्थाहरूलाई एकीकृत भुक्तानी प्रणाली मार्फत भुक्तानी संरचना सरल बनाउने, व्यवसायी व्यवस्थापन गर्ने र नयाँ भुक्तानी माध्यमहरूलाई छोटो समयमा एकीकृत गर्न सक्षम बनाउने प्लेटफर्म हो।

व्यवसायीहरूका लागि यो प्लेटफर्मले सबै कारोबारहरूको एकै स्थानबाट अनुगमन गर्ने, सुविधा दिने तथा फरक भुक्तानी प्रणालीहरूलाई एकीकृत प्रणालीमा समायोजन गर्ने जनाइएको छ। आधुनिक प्रविधि मार्फत वास्तविक समयमै कारोबार पूरा गर्ने क्षमताले गेटपेलाई अधिक कार्यकुशल, लागतप्रभावी र डिजिटलमैत्री साधन बनाएको छ।

एकै पटकमा धेरै भुक्तानी माध्यममा गेट्पेको पहुच स्थापना हुने हुदा जटिल भुक्तानी प्रणाली सहज हुनेछ। यो प्लेटफर्मले फरक भुक्तानी गर्ने माध्यमहरुलाई लागतप्रभावी र भरपर्दो च्यानलमार्फत गतिशील रूपमा पठाउने सुविधा प्रदान गर्छ, जसले प्रयोगकर्तालाई छिटो, सजिलो र सहज भुक्तानीको अनुभव प्रदान गर्दछ। यसको नौलो प्रबिधि संरचनाले बैंकहरूलाई नयाँ भुक्तानी माध्यमहरु एकीकृत गर्न र बदलिंदो बजारको माग अनुसार सेवा प्रदान गर्न मद्दत गर्दछ।

माछापुच्छ्रे बैंकले गेटपेलाई आफ्नो दैनिक सञ्चालनमा सफलतापूर्वक समावेश गरिसकेको छ । यस प्लेटफर्मद्वारा बैंकका सम्पूर्ण भुक्तानी प्रणाली सहज गर्ने अभिन्न अंग बनेको छ। माछापुच्छ्रे बैंकको डिजिटल बैंकिङ टिम अनुसार, “गेटपेको माध्यमबाट हामीले व्यवसायीसँग सम्बन्धित सम्पूर्ण कारोबार र भुक्तानीहरू एकै ठाउँबाट हेर्न सक्ने सुविधा पाएका छौं, जसले बैंकको कार्यकुशलता अभिवृद्धि गर्नुका साथै ग्राहकलाई प्रदान गरिने सेवा अझ सरल र सबल बनाएको छ।”

नेपाल क्लियरिङ हाउस लिमिटेडका प्रतिनिधि अनुसार यस साझेदारीमा सहभागी हुन पाएकोमा उत्साहित भएको र गेटपेले बलियो एकीकृत भुक्तानी पूर्वाधार निर्माण गरी नेपाललाई अन्तर्राष्ट्रिय फिनटेक बजारमा एउटा कोशे ढुंगा साबित गर्न सक्ने विश्वास लिएको छ ।

सिटिटेकका प्रमुख कार्यकारी अधिकृत साजन शर्माले जानकारी दिदै भन्छन् , “नेपाली बैंकहरूलाई एकीकृत भुक्तानी प्रणालीलाई सशक्त बनाउने नवीनतम प्रबिधि प्रदान गर्ने दिशामा ऐतिहासिक नयाँ पाइला चालेका छौ। अबका दिनहरुमा नेपालका बैंक तथा बित्तिय संस्थाहरुको भुक्तानी व्यस्थापन तथा संचालनमा हाम्रो संस्थाको तर्फबाट अझै उलेख्य योगदान हुने बिश्वास दिलाउछौं ।’

सम्बन्धित शीर्षकहरु