विगत ७ वर्षदेखि पुतलीसडकस्थित पद्मोदयमोडमा लागिरहेको ‘पद्मोदय जुत्ता एक्सचेज मेला’को सोरुम काठमाडौंको मीनभवनस्थित शान्तिनगरमा सरेको छ ।
काठमाडौं महानगरपालिकाले विद्यालय क्षेत्रभित्र व्यापारिक प्रयोजनको लागि भाडामा लगाउन नपाइने भन्ने नियम लागू गरेपछि उक्त नियमको पालना गर्दै पद्मोदय मोडमा रहेको जुत्तामेलाको सोरुम मीनवभवनस्थित शान्तिनगर गेटनजिकै जिम्बु थकाली र नेपाल कोरिया स्किन मेडिकलको छेउमा सरेको छ ।
विशुद्ध नेपाली ब्राण्डका केटिएम सुज र सम्राट सुजले लामो समयदेखि पद्मोदयमोडमा सुपथ मुल्यमा जुत्ताचप्पल बिक्री वितरण गर्नुका साथै जुत्ता एक्सचेन्ज मेला सञ्चालन गर्दै आएकोमा उक्त मेलाको सोरुम उपभोक्ताको रोजाईलाई मध्यनजर गर्दै शान्तिनगरमा संचालनमा आएको हो ।
विगतका वर्षहरुमा वर्षको २ पटक एक्सचेन्ज मेला आयोजना हुदै आइरहेको थियो । जसअन्तर्गत १४ वटा संस्करण पद्मोदयमोडमा सफलतापूर्वक सम्पन्न भईसकेकोमा १५ औं संस्करणको सुरुवात शान्तिनगरको सोरुमबाट भएको छ ।
एक्सचेन्ज मेलामा नेपाली ब्राण्डका उच्च क्वालिटीका जुत्ताहरु राखिएको छ । त्यस्तै मेलाकै लागि भनेर १ हजारभन्दा बढी नयाँ र लेटस्ट डिजाइनका जुत्ताचप्पलहरु भर्खरै लन्च गरिएको आयोजकले जानकारी दिएका छन् ।
मेलामा जस्तोसुकै पुरानो जुत्ताको मुल्यांकन ५ सय रुपैया तोकिने र छालाको जुत्तामा थप २५ प्रतिशतसम्म छुटको व्यवस्था रहेको मेला आयोजक तथा केटिएम सुजका प्रबन्ध निर्देशक प्रमोद महतोले जानकारी दिए ।
त्यस्तै उच्च क्वालिटीका स्पोर्टस सुजहरुमा पनि बजार मुल्यभन्दा १ हजार रुपयाँ कम र एक्सचेन्ज गरेमा थप ५ सय रुपैया कम हुने उनी बताउँछन् ।
मेलामा पार्टीसुज, क्याजुवल सुज, स्पोर्टस् सुज, स्कुल सुज, अफिस सुज, स्टिल सुज, स्निकर र महिला र पुरुषहरुका लागि आवश्यक चप्पलहरु समेत पाईने आयोजकको दावी छ ।
सर्वसुलभ मुल्यमा सबैले उच्च गुणस्तरको जुत्ताचप्पल लगाउन पाउन र नेपाली जुत्ता पनि विदेशी जुत्ताभन्दा कम छैन भनी चिनाउँनलाई मेला आयोजना गरेको आयोजक महतोले जानकारी दिए ।
आफूले लामो समयदेखि केटिएम सुज नै लगाउँदै आएको बताउँदै मेलामा भेटिएका उपभोक्ता रोहित कटुवालले केटिएम सुज अरुभन्दा बलियो र टिकाउयुक्त भएकाले पुनः खरिद गर्न आएको बताए ।
आफ्नो उत्पादन बिचौलियाको हातमा नपारी सिधै ग्राहकमाझ पु¥याउनका लागि मेला आयोजना गरेको बताउँदै आयोजक महतोले शान्तिनगरमा वृहत् रुपमा लागिरहेको जुत्ता एक्सचेन्स मेलालाई पनि पद्मोदय जुत्ता मेलालाई जस्तै माया गरिदिन आग्रह गरे ।
एक्सचेन्ज मेलाको १५ औं संस्करण काठमाडौंको शान्तिनगरमा सुविधासम्पन्न सोरुम सहित संचालनमा आईसकेको हुनाले उपभोक्ताहरुले आफूसँग भएका पुराना जुत्ता लिएर मेलामा आई मौकाको फाइदा उठाउन आयोजकको आग्रह छ ।
