काठमाडौंको भृकुटीमण्डपमा बडादशैं जुत्ताचप्पल व्यापार मेला सुरु भएको छ ।
नेपालीहरुकको महान् चाड दशैंलाई लक्षित गरि आयोजना गरिएको मेलामा ११ वटा कम्पनीका ३० वटा ब्राण्डहरु राखिएका छन् ।
मेलामा पार्टी सुज, स्पोर्टस सुज, क्याजुअल सुज, स्कुल सुज, अफिस सुज, बुट लोफर, स्निकर लगायतका जुत्तााहरु उपलब्ध रहेका छन् । साथै महिलाहरुका लागि पनि आवश्यक जुत्ताचप्पलहरु राखिएका छन् ।
मेला आयोजक तथा बोस सुजका प्रबन्ध निर्देशक गंगा श्रेष्ठका अनुसार हरेक नेपालीको खट्टामा नेपाली ब्राण्डकै जुत्ता चप्पल होस् भन्नका लागि दशैंलाई लक्षित गरि मेला आयोजना गरेको जानकारी दिए । मेलामा जस्तोसुकै ब्राण्डका जुत्ताहरु ६ महिनादेखि १ वर्षसम्मको वारेन्टीसहीत पाइने भएकाले उपाभोक्ताहरु मेलामा छिरिसकेपछि रित्तो हात फर्कनु नपर्ने उनी बताउँछन् ।
मेलामा महिला, पुरुष, वृद्ध, बालकालिका, सबै उमेर समूहलाई हुने गरी नयाँ र लेटेस्ट डिजाइनका जुत्ताचप्पलहरु १५ प्रतिशतदेखि ६० प्रतिशतसम्म छुटमा उपलब्ध हुने मेला आयोजकले जनाएका छन् ।
त्यस्तै अर्का आयोजक आरसी केसीले फुलपातिको दिनसम्म चल्ने मेलामा न्यूनतम २ सय रुपैयाँको चप्पलदेखि १० हजारसम्मको जुत्ताहरू पनि उपलब्ध रहेको जानकारी दिए । मेलामा उपभोक्ताले सिधै उत्पादकसँग जुत्ताचप्पल खरिद गर्न पाउने हुनाले सस्तो मुल्यमै आकर्षक, टिकाउ र गुणस्तरिय जुत्ताचप्पल खरिद गर्न पाइने हुनाले एकपल्ट मेलामा आई आफूलाई मनपर्ने जुत्ताचप्पल खरिद गर्न उनले सबैलाई आग्रह गरे ।
मेलामा उपभोक्ताहरु पनि एउटै छानामुनि नेपालका प्रतिष्ठित ब्राण्डका जुत्ताचप्पल सस्तो मुल्यमा छानीछानी किन्न पाउँदा मख्ख देखिन्थे ।
नेपालीहरुको महान् पर्व दशैं, तिहार, छठलाई लक्षित गरि असोज १ गतेबाट सुरु भएको मेला फुलपातीको दिनसम्म निरन्तर लागिरहने आयोजकको भनाई छ ।
व्यापार मेला अवलोकन गरि सस्तो, टिकाउयुक्त र भरपर्दो जुत्ताचप्पलहरु खरिद गरि नेपाली उत्पादनलाई प्रवद्र्धन गर्नका लागि सम्पूर्ण ग्राहकहरुलाई आयोजकले आग्रह समेत गरेका छन् ।
