रञ्जना व्यापार संघका नवनिर्वाचित कार्यसमितिद्धारा निवर्तमान समितिलाई सम्मान
- माघ २१, २०८०
- 0
रञ्जना व्यापार संघका नवनिर्वाचित कार्यसमितिले संघका निवर्तमान कार्यसमितिलाई सम्मान गरेको छ ।
काठमाडौंको साँखुस्थित नर्लिङ रिर्सोटमा संघले आयोजना गरेको बनभोज कार्यक्रमका बिच संघकी निवर्तमान अध्यक्ष बिना श्रेष्ठ र उपाध्यक्ष बसन्त फूँयाललाई अध्यक्ष हरिप्रसाद पाण्डेले सम्मान गरेका हुन् ।
निवर्तमान कार्यसमितिले आफ्नो कार्यकालमा संघलाई थप उचाईमा लैजान सफल भएको बताउँदै संघका अध्यक्ष पाण्डेले नयाँ कार्यसमितिले पनि ती कार्यलाई अनुसरण गर्दै लैजाने बताए । अघिल्लो कार्यकालमा गर्न नसकेका अधुरा कार्यहरुलाई आफ्नो कार्यकालमा पुरा गर्ने प्रतिवद्धता समेत उनले जनाए ।
अझै पनि व्यापारीका थुप्रै समस्याहरु यथावत् नै रहेको बताउँदै अध्यक्ष पाण्डेले त्यस्ता समस्याहरु समाधान गर्न आफू कटिबद्ध भएर लाग्ने विश्वास दिलाए । साथै सामाजिक कार्यहरुलाई पनि उत्तिकै प्राथमिकताका साथ गर्दै जाने बताए ।
त्यस्तै संघकी निवर्तमान अध्यक्ष श्रेष्ठले वर्तमान कार्यसमितिले आफूलाई गरेको सम्मानप्रति खुशी व्यक्त गरिन् । आफू कार्यकालमा रहँदा सम्पुर्ण कार्यसमितिको साथ र सहयोगका कारण नै व्यवसायी हितका थुप्रै कार्यहरु गर्न सफल भएको बताईन् ।
उनले संघ रञ्जना मलमा मात्र सिमीत नरहेर विभिन्न ठाउँहरुमा आफ्नो स्थान बनाउँदै आएको समेत जानकारी दिईन् । संघले व्यापारीहरुका समस्यालाई राज्यका विभिन्न निकायहरुमा आवाज उठाउँदै आएको र आफू कार्यकालमा रहदाँ थुप्रै सामाजिक कार्यहरु गर्न सफल भएको बताइन् । उनले नयाँ कार्यसमितिलाई सफल कार्यकालको शुभकामना दिदै संस्थाप्रति आफ्नो साथ र सहयोग निरन्तर रहने प्रतिवद्धता जनाईन् ।
कोरोनाको जटिल परिस्थितिमा आफ्नो कार्यभार सम्हालेको समितिले व्यवसायीहरुका समस्यालाई अग्र स्थानमा राख्दै कोरोनाले थला पारेको व्यवसायलाई माथि उकास्न सरोकारवाला निकायहरुलाई पटक–पटक ध्यानाकार्षण गराएको थियो । साथै संघले रक्तदान लगायतका सामाजिक कार्यहरु पनि निरन्तर गर्दै आएको छ । कोरोना, भुकम्प, बाढीपहिरो, अनाथ, असाहय दुःखी गरिबहरुका लागि संघको साथ सहयोग विगतदेखि नै रहँदै आएको छ ।
त्यस्तै संघमा व्यवसाय गर्दै आएका व्यवसायीहरुले वृहत् बनभोज कार्यक्रम सम्पन्न गरेका छन् । संघका उपाध्यक्ष दिपेन्द्र क्षेत्रीको संयोजकत्वमा रञ्जना मलका व्यवसायी र कर्मचारी गरि करिब ६ सय जनाको वृहत् बनाभोज गत शनिवार भव्यताका सम्पन्न भएको छ । कार्यक्रमलाई रोचक बनाउँन नाचगान, हाँडी फुटाउने, चिठ्ठा लगायतका खेलहरु भएका थिए । भने कार्यक्रममा संघका पूर्वअध्यक्ष, निवर्तमान अध्यक्ष साथै सम्पुर्ण व्यापारी व्यवसायीहरुको व्यापक उपस्थिति रहेको थियो ।
0 प्रतिक्रिया
चिनियाँ भिक्षुको ‘महान् ताङको पश्चिमी क्षेत्रको अभिलेख’ सार्वजनिक
काठमाडौं । चिनियाँ भिक्षुको नेपाल यात्रा-विवरण ‘महान् ताङको पश्चिमी क्षेत्रको अभिलेख’ नामक पुस्तकको नेपाली अनुवाद सार्वजनिक गरिएको छ । राजधानीमा […]
१३ देशका लागि राजदूत सिफारिस (सूचीसहित)
काठमाडौं । सरकारले १३ वटा देशका लागि राजदूत सिफारिस गरेको छ । आज बसेको मन्त्रिपरिषद बैंठकले विभिन्न अमेरिका, भारतसहित १३ […]
अर्थमन्त्री डा.वाग्लेको भारत भ्रमण : आर्थिक सम्बन्ध तथा पुनःस्थापना र पुनर्निर्माणबारे छलफल जारी
एजेन्सी । अर्थमन्त्री डा.स्वर्णिम वाग्ले भारत भ्रमणमा छन् । उनले भारतका अर्थमन्त्री निर्मला सीतारमणसँग भेट गरिसकेका छन् । यसैविच भारत […]
प्रधानमन्त्रीले गरे जेनजी सांसदसँग अन्तरक्रिया
काठमाडौं । प्रधानमन्त्री वालेन्द्र शाहले जेनजी सांसदसँग अन्तरक्रिया गरेका छन् । सिंहदरबारस्थित प्रधानमन्त्री तथा मन्त्रिपरिषद्को कार्यालयमा जेन्जी उमेर समूहका सांसदहरूसँग […]
त्रिशूली–१ को टनेलबाट ६ वटा शव निकालियो
रसुवा । रसुवास्थित माथिल्लो त्रिशूली–१ जलविद्युत् आयोजनाको अडिट–३ सुरुङबाट ६ वटा शव निकालिएको छ। उद्वार टोलीले ६ वटा शव ढलानका […]
