नेपाल राष्ट्र बैंकले बढायो सुन आयातको कोटा, अबदेखि दैनिक २० किलोग्रामसम्म आयात गर्न पाउने

• अशोज १०, २०८०
• 0

नेपाल राष्ट्र बैंकले सुन आयातको कोटा बढाएको छ ।

हाल दैनिक १० किलोग्रामसम्म सुन आयात हुँदै आएकोमा अबदेखि दैनिक २० किलोग्रामसम्म आयात गर्न पाउने गरी केन्द्रीय बैंकले नयाँ व्यवस्था गरेको हो ।

बुधबार केन्द्रीय बैंकले सुन आयात तथा बिक्री वितरण सम्बन्धी कार्यविधि, २०६८ लाई संशोधन गर्दै यस्तो व्यवस्था गरेको हो । सोही व्यवस्थामा केन्द्रीय बैंकले दैनिक सुन आयातको कोटा अनुसार एक महिनामा आयातित सुनको कोटा अनुसार अपुग भए अर्को महिना थप ल्याउन नपाइने तर सोही महिनाको एक दिनको अपुग परिणाम अर्को दिन थप ल्याउन पाउने व्यवस्था समेत गरेको छ ।

हाल राष्ट्र बैंकको अधीनमा रहेर वाणिज्य बैंकहरुले मात्र सुन आयात गरिरहेका छन् । यसअघि नै दैनिक सुन आयातको कोटा २० केजी रहेपनि घट्दो रेमिटेन्स र बढ्दो आयातका कारण विदेशी मुद्रा सञ्चितिमा दबाब परेसँगै केन्द्रीय बैंकले फागुन, २०७८ मा सुन आयातको कोटामा ५० प्रतिशतले कटौती गर्दै १० किलोमा झारेको थियो ।

सम्बन्धित शीर्षकहरु

हुन्डाई मोटर एसेम्बलिङको शुभारम्भ, ‘लगानी सहजीकरण गर्न सरकार प्रतिबद्ध छ’ : प्रधानमन्त्री

स्वीस सरकारले नेपाललाई ९.०१ मिलियन स्विस फ्रयांक सहयोग गर्ने

निजी क्षेत्र सम्मिलित नयाँ चरणको सुधार आवश्यकः अध्यक्ष ढकाल

लेखापरीक्षकहरु राष्ट्रका आर्थिक पहरेदार हुन् : राष्ट्रपति

आगामी बजेटले अर्थतन्त्र चलायमान हुन्छ, नागरिक उत्साहित हुनेछन : अर्थमन्त्री

चन्द्र ढकाललाई कर्पोरेट एक्सिलेन्सी अवार्ड

अरुण बरुण सहकारी संस्थाको मातातिर्थ औंसी मनाकामनाको वृद्धाश्रममा

सेयर बजार परिसूचक घट्यो, फाइनान्स उपसमूहको भने अस्वाभाविक बढोत्तरी

‘औधोगिक विकासतर्फ अग्रसर हुन साना तथा घरेलु उद्यमशीलतालाई बढावा दिउ’

सेयर बजारमा झिनो सुधार, २.०६ अंकले बढ्यो नेप्से