कोभिड संक्रमण बढेको भन्दै चीनले बन्द गर्‍यो तातोपानी र रसुवागढी नाका

साउन २६, २०७९
0

तिब्बतमा कोभिड संक्रमण दर बढेको भन्दै चीनलले तातोपानी र रसुवागढी नाका बन्द गरेको छ । रसुवागढी नाका गत शनिबारबाट र तातोपानी नाका बुधबारदेखि बन्द भएसँगै सो नाकाबाट चिनियाँ सामान आयात हुन पाएको छैन् ।

तातोपानी सुख्खा बन्दरगाह भन्सार कार्यालयका प्रमुख नारद गौतमले बुधबारदेखि चीनबाट सामान आयात नभएको जानकारी दिए । तिब्बतमा कोभिड संक्रमण दर बढेको भनिए पनि अब कहिले खुल्नेबारे केही जानकारी नआएको उनले बताए ।

यता रसुवाको रसुवागढी नाका पनि बन्द भएको रसुवागढी भन्सार प्रशासक डा रामप्रसाद मैनालीले बताए । नाका भएर शनिबारदेखि मालसामान आयात नभएको उनको भनाइ छ । ‘तिब्बततर्फ लकडाउन भएको अपुष्ट जानकारी आएको छ । शनिबारदेखि रसुवागढी नाका ठप्प छ,’ मैनालीले भने, ‘तर हामीलाई कुनै पनि औपचारिक जानकारी दिइएको छैन ।’

सम्बन्धित शीर्षकहरु