पेट्रोलियम पदार्थको मूल्यवृद्धिसँगै हवाई भाडा पनि बढ्यो, कुन रुटको भाडा कति ?

जेष्ठ ९, २०७९
0

पेट्रोलियम पदार्थको मूल्यवृद्धिसँगै हवाई भाडा पनि वृद्धि गरिएको छ ।

आइतबार हवाई उडानतर्फ आन्तरिक र बाह्य इन्धनको मूल्य वृद्धि भएसँगै सोमबार एक सूचना जारी गर्दै वायु सेवा सञ्चालक संघले आन्तरिकतर्फ न्यूनतम ९० रुपैयाँदेखि अधिकतम ४४५ रुपैयाँले भाडा वृद्धि गरेको हो ।

जारी विज्ञप्तिअुनसार सबैभन्दा बढी हवाई भाडा काठमाडौं–धनगढीको रहेको छ । ४४५ रुपैयाँले वृद्धि गरिएको उक्त रुटको भाडा १५ हजार ६६५ रुपैयाँ पुर्याइएको छ ।

काठमाण्डौ–नेपालगञ्जको भाडा १२ हजार ८९५, भद्रपुरको ११ हजार ९३५ रुपैयाँ, विराटनगर ९ हजार ३२५, जनकपुर ४ हजार २५०, भरतपुर ४ हजार ४३५, पोखरा ६ हजार ३०५ रुपैयाँ, भैरहवा ७ हजार ८८० रुपैयाँ पुगेको छ । काठमाडौं–सिमरा ९० रुपैयाँले वृद्धि भएको छ ।

सोमबार जारी सूचना गरिएको हवाई भाडा जेठ ११ गतेदेखि लागू हुने संघले जनाएको छ ।