सहकारीलाई ‘कोप कार्ड’ जारी गर्न त्रिपक्षीय सम्झौता, अब आफ्नै एटीएम हुने

• फाल्गुन २३, २०७८
• 0

ग्लोबल आईएमई बैंकले सहकारीहरूलाई ‘कोप कार्ड’ जारी गर्न राष्ट्रिय सहकारी बैंक र स्मार्टच्वाइस टेक्नोलोजीसँग सम्झौता गरेको छ ।

सहकारीहरूका लागि सहकारी पहिचानसहितको ‘कोप कार्ड’ जारी गर्नेसम्बन्धी ग्लोबल आईएमई बैंक, राष्ट्रिय सहकारी बैंक लिमिटेड र स्मार्ट च्वाइस टेक्नोलोजिज लिमिटेडबीच त्रिपक्षीय सम्झौतामा हस्ताक्षर गरिएको ग्लोबल बैंले जानकारी दिएको छ ।

आइतबार आयोजित एक कार्यक्रमकाबीच ग्लोबल आईएमई बैंकका प्रमुख कार्यकारी अधिकृत (सीईओ) रत्नराज बज्राचार्य, स्मार्टच्वाइस टेक्नोलोजिजका तर्फबाट प्रमुख कार्यकारी अधिकृत नारायण प्रकाश भुजु र राष्ट्रिय सहकारी बैंकका प्रमुख कार्यकारी अधिकृत (सीईओ) बद्रीकुमार गुरागाईंले सम्झौतापत्रमा हस्ताक्षर गरेका छन् ।

बढ्दै गएको सहकारीको भूमिका र कारोबार समेतलाई दृष्टिगत गरी सहकारीहरूले पनि न्यूनतम लागतमा सहजै एटीएम कार्ड जारी गर्न सक्ने प्रविधि र प्रक्रियाका साथ ग्लोबल आईएमई बैंकको प्रायोजनमा ‘कोप कार्ड’ जारी गर्न लागिएको हो ।

ग्लोबल आईएमई बैंकको प्रायोजनमा राष्ट्रिय सहकारी बैंकमार्फत यसका सदस्य सहकारीहरूले ‘कोप कार्ड’ जारी गर्नेछन् । यसका लागि एससीटीले चाइना युनियन–पेसँग सहकार्य गर्दै आएको छ ।

सहकारीका सबै सदस्यलाई सेवा पुर्याउँदै यसलाई अझ बढी प्रभावकारी बनाउन राष्ट्रिय सहकारी बैंक लिमिटेडको सहकार्यमा बैंकमा आबद्ध सम्पूर्ण सहकारीहरूलाई एउटै ब्राण्डको ‘कोप कार्ड’ जारी गर्न लागेको हो । यसरी प्रदान गर्ने कार्ड अन्तर्राष्ट्रियस्तरको चिप कार्ड र कन्टाक्टलेश प्रविधिमा आधारित हुनेछ भने नेपाल तथा भारतका एटीएम तथा पीओएसमार्फत सहजै चलाउन सकिने बताइएको छ ।

यो सहकार्यपश्चात् सम्पूर्ण सहकारीहरूले राष्ट्रिय सहकारी बैंक लिमिटेडमा सम्पर्क गरी ‘कोप कार्ड’ जारी गर्न सक्ने छन । यो सुविधाले सदस्यहरूको सहकारीप्रति विश्वास बढ्दै जाने, नगद कारोबार कम भएर औपचारिक रूपमा बचत परिचालन हुने र बित्तीय सेवा २४ घण्टा उपलब्ध हुने छ ।

यस सहकार्यले समग्र सहकारी क्षेत्रको भुक्तानी प्रणाली र विद्युतीय कारोवारमा पहुँच बढदै जाने तथा साधारण बैंकिङ कारोवारको लागि बैंकसम्म गइरहनु पर्ने बाध्यताबाट मुक्ति दिने तथा सहकारीहरूको विकासमा थप योगदान पुग्ने आशा लिइएको छ ।

सम्बन्धित शीर्षकहरु

गौतमबुद्ध विमानस्थल दिगो सञ्चालन गर्न चेम्बरको माग

‘जुत्ता एक्सचेन्ज’ अफरसहित जावलाखेल चोकमा शोरुम खुल्यो, पुरानो जुत्तासँग नयाँ साट्ने सुनौलो अवसर

मौद्रिक नीतिको समीक्षा सार्वजनिक (पूर्णपाठसहित)

शुक्रबारसम्ममा किसानले पाउने उखुको समर्थन मूल्य सार्वजनिक हुने

डिजिटल भुक्तानीमा नेपालको फड्को : क्यूआर कोडप्रति बढ्दो आकर्षण

नेप्से परिसूचक ८.३० अंकले घट्यो, कारोबार रकममा पनि कमी

नेपाल र फिनल्याण्डबीच सार्वजनिक लगानी परिचालन परियोजनासम्बन्धी सम्झौतामा हस्ताक्षर

विवाहको मौसममा सुनको मूल्य कम हुँदा बजारमा चहलपहल

आयल निगमको भलबारी डीपो स्थानान्तरणको तयारी, तीन अर्ब २० करोडमा अत्याधुनिक डीपो बन्ने

नेप्से ३९.७० अङ्कले वृद्धि, परिसूचक २७५६.३६ मा