सेञ्चुरी बैंकको ‘सेञ्चुरी सेभिङ्ग प्लस एकाउन्ट’ संचालनमा

पुस ३, २०७६
0

सेञ्चुरी कमर्सियल बैंकले आफ्ना ग्राहकवर्गको मागलाई ध्यानमा राख्दै नयाँ बचत खाता ‘सेञ्चुरी सेभिङ्ग प्लस एकाउन्ट’ को शुभारम्भ गरेको छ ।

५० लाख न्यूनतम मौज्दात भएको सो खातामा वार्षिक ६।५५ को दरले त्रैमासिक रुपमा ब्याज भुक्तानी गरिने छ । १० लाखसम्मको प्राणघातक रोग र दुर्घटना तथा दिर्घकालीन अशक्तताको बिमा आइएमई जनरल इन्स्योरेन्सबाट गर्ने व्यवस्था गरिएको छ ।

सो खातावालाहरुले नेपालका अन्य कुनै बैंकको एटीएमबाट पैसा निकाल्दा शुल्क लाग्ने छैन । साथै निःशुल्क लकर सेवा, आकर्षक डिजिटल बैंकिङ्ग र कर्जा सुविधामा विशेष छुट समेत दिइनेछ ।

उक्त खाताको शुभारम्भ बैंकका प्रमुख कार्यकारी अधिकृत तुलसीराम गौतमले गरेका थिए । साथै सो कार्यक्रममा बैंकका उच्च पदाधिकारीहरुको समेत उपस्थिती रहेको थियो ।