यी हुन नेपाली बैंकको सिस्टम हयाक गरी एटिएमबाट पैसा चोर्दै गर्दा पक्राउ परेका चिनिया नागरिक

भदौ १५, २०७६
0

नेपालको बैंकिङ प्रणाली हयाक गरी एटिएमबाट पैसा चोर्न सक्रिय ५ जना चिनिया नागरिकलाई आइतबार प्रहरीले सार्वजनिक गरेको छ ।

शनिबार दरबारमार्गमा रहेको नविल बैंकको एटिएमबाट पैसा झिकिरहेको अवस्थामा एक चिनिया नागरिक पक्राउ परेपछि उनकै सहयोगमा होटलमा बसीरहेको अवस्थामा अन्य तिन जना चिनिया नागरिकलाईसमेत नेपाल प्रहरीले पक्रेको थियो ।

उनीहरु पाँचै जनालाई महानगरीय प्रहरी परिसर काठमाडौंले आइतबार सार्वजनिक गरेको छ । पक्राउ पर्नेमा ३५ वर्षका चेन विन विन, ३२ वर्षका झु लियाङ आङ, ३० वर्षका क्यु याङयिङ, ४० वर्षका लु जियालिङ, २९ वर्षका लिन जिनमिङ रहेका छन् ।

उनीहरुको साथबाट १ करोड २६ लाख ४५ हजार नेपाली रुपैयाँ र केही विदेशी रकमसमेत बरामद भएको छ । नेपाल राष्ट्र बैंकका अनुसार १ करोड ६८ लाख ५४ हजार रुपैयाँ बैंकिङ प्रणालीबाट नोक्शान भएको जनाएको छ ।

नेपाल राष्ट्र बैंक र नेपाल बैंकर्स संघले सर्वसाधारणको निक्षेप सुरक्षित रहेको बताएका छन् ।