बेस्ट फाइनान्सको २२औं साधारण सभा सम्पन्न

फाल्गुन १९, २०७५
0

बेस्ट फाइनान्स कम्पनी लिमिटेडको २२औं वार्षिक साधारणसभा गत शुक्रबार सम्पन्न भएको छ । सञ्चालक समितिका अध्यक्ष पदमराज न्यौपानेको सभापतित्वमा उक्त वार्षिक साधारणसभा भएको हो । सभाले आव २०७४/०७५ को सञ्चालक समितिको प्रतिवेदन तथा वार्षिक वित्तीय विवरण पारित गरेको छ ।

आव २०७५/०७६ का लागि लेखापरीक्षक नियुक्त गर्नुका साथै साबिक सिनर्जी फाइनान्सका सेयरधनीको तर्फबाट प्रतिनिधित्व गर्ने सञ्चालकहरु कृष्णहरि श्रेष्ठ, सुरज क्षेत्री तथा बेबीजन तिमिल्सिनाको नियुक्तिलाई समेत अनुमोदन गरिएको छ ।

सो सभाले संस्थाको सञ्चालक समितिलाई उपयुक्त बैंक तथा वित्तीय संस्थासँग मर्जर वा एक्विजिसनमा जाने अख्तियारी प्रदान गरेको फाइनान्सका प्रमुख कार्यकारी अधिकृत तोयराज अधिकारीले बताए ।