हिमालयन बैंकको सुरक्षित मास्टर डेबिट कार्ड सेवा सुरु

• पुस २७, २०७५
• 0

हिमालयन बैंक लिमिटेडले अन्तर्राष्ट्रिय कार्ड प्रदायक मास्टर कार्डको अत्याधुनिक र सुरक्षित ‘चिप र पिन’ प्रविधियुक्त डेबिट कार्ड सेवा शुभारम्भ गरेको छ ।

शुक्रबार एक कार्यक्रमकाबीच यो सेवाको शुभारम्भ गरिएको हो । ग्राहकहरुले मास्टर कार्डबाट कारोबार गरी सामान खरिद गर्दा वा रकम भुक्तानी गर्दा विभिन्न मर्चेन्टहरु (होटल, रेष्टुराँ, पब लगायत अन्य पसलहरु) मा २० प्रतिशतसम्म छुट समेत पाउने बैंकले जानकारी गराएको छ ।

बैंकले नयाँ खाता खोल्ने ग्राहकहरुका लागि सो कार्ड निशुल्क प्रदान गर्ने भएको छ । यस बाहेक मास्टर कार्डधारी ग्राहकहरुले उक्त कार्ड नेपाल भरिका कुनै पनि पस मेशिनमा प्रयोग गरी सामान खरिद गरेमा आकर्षक नगद फिर्ता पाउने छन् ।

पत्रकार सम्मेलनमा बैंकका प्रमुख कार्यकारी अधिकृत अशोक शम्सेर राणा र मास्टर कार्डका तर्फबाट दक्षिण एसिया क्षेत्रीय प्रमुख श्री पोरुष सिंहले उक्त कार्डको सेवा शुभारम्भ भएको घोषण गरेका थिए ।

कार्यक्रममा बोल्दै कार्यकारी प्रमुख राणाले मास्टर कार्डसँग सहकार्य गर्न पाउँदा खुशी लागेको बताए । उनले कार्डद्वारा बैंकका ग्राहकले अझ बढी सेवा सुविधा सुरक्षित रुपमा पाउने विश्वास व्यक्त गरे । उनले उक्त कार्ड अत्याधुनिक चिप र पिनबाट सुसज्जित रहेको र नयाँ खाता खोल्दा ग्राहकहरुका लागि निशुल्क प्रदान गर्ने जानकारी गराए ।

ग्राहकहरुले उक्त कार्ड नेपाल तथा भारतका प्रायजसो एटीएम र पस मेशिनमा प्रयोग गर्न सक्नेछन् ।

उक्त अवसरमा मास्टर कार्डका तर्फबाट श्री पोरुष सिंहले पछिल्ला वर्षहरुमा नेपालले डिजिटल भुक्तानी प्रणालीमा र कार्डको प्रयोगमा उच्च प्रगति गरेको बताए । उनले मास्टर कार्डले गरेको उक्त प्रगति पथमा हिमालयन बैंकसँग सहकार्य गर्न पाउदा गौरवान्भित भएको बताए । उनले डेबिट कार्ड डिजिटल युगको प्रणालीमा अभिन्न अंग रहेको विश्वास गरेका छन् ।

उनले ग्राहकहरुलाई डिजिटल भुक्तानीमा कार्डमा भएको सुविधा र सुरक्षाको प्रत्याभूतिले कार्ड प्रयोग गर्न प्रोत्साहन गर्ने पनि बताए । उनले नेपालमा नगदरहित कारोबारलाई प्रोत्साहन गर्न मास्टरकार्ड प्रतिवद्ध रहेको बताए ।

सम्बन्धित शीर्षकहरु

लगानी जुटेसँगै मनाङ मर्स्याङ्दी जलविद्युत् आयोजना निर्माण सुरु

उच्चस्तरीय आर्थिक क्षेत्र सुधार सुझाव आयोगमा निजी क्षेत्रलाई समावेश

‘पद्मोदयमोड जुत्ता एक्सचेन्ज’ मेलाको सोरुम अब काठमाडौंको शान्तिनगरमा, पुरानो जुत्तासँग नयाँ साट्ने सुनौलो अवसर

नेपालले प्राप्त गरेको क्रेडिट रेटिङ्ग सन्तोषजनक छ : अर्थमन्त्री पौडेल

११ एयरलाइन्सले बुझाए हवाई भाडादरको विवरण

ऊर्जा दक्षता प्रवद्र्धनको निमित्त अनुुदान योजनाको शुुभारम्भ

राजस्व सङ्कलन १७ प्रतिशतले वृद्धि, कर सङ्कलनको सिस्टम ब्रेक गर्न खोज्नेलाई कारवाही गर्न निर्देशन

एनसेलमा भ्वाइस सेवा डेटासँग वा डेटा सेवा भ्वाइससँग साट्न सकिने सुविधा

हवाइ इन्धन डिपोको ‘मिसन ०८४’: गुहेश्वरीमा अत्याधुनिक डिपो बनाउने

चावहिलमा शुरु भयो जुत्ताचप्पल व्यापार मेला , एउटै छानामुनि १४ कम्पनीका ८ हजारभन्दा बढी डिजाइनका जुत्ताचप्पल उपलब्ध