क्यान्सरबाट पीडित तामाङको उपचारका लागि सहयोगको अपिल

भदौ ५, २०८२
0

अमेरिका, क्यालिफोर्नियाको माउन्टेन भ्युमा स्थायी रूपमा बसोबास गर्दै आएका ३७ वर्षीय राम (छिरिङ) तामाङ अहिले आफ्नो जीवनको सबैभन्दा कठिन संघर्षसँग जुध्दै छन् । Qmage 4 क्यान्सरको अन्तिम चरणमा पुगेका राम अहिले Qmanford Hospital, Palo lAto मा उपचाररत छन् ।

सधैं अरूका लागि अघि सर्ने व्यक्ति, आज आफैं संघर्षमा

राम तामाङको नाम माउन्टेन भ्युको नेपाली र बहुसांस्कृतिक समुदायमा निकै सम्मानका साथ लिइन्छ । कहिल्यै पनि अरूलाई सहयोग गर्न पछि नपर्ने, कुनै पनि साथी वा छिमेकीलाई समस्या पर्दा सधैं अगाडि सर्ने राम, अहिले आफैंलाई जोगाउन, बाँच्छु कि मर्छु भन्ने जीवन–मरणको दोसाँधमा छन् ।

परिवारमा एकपछि अर्को संकट

पाँच वर्षअघि आमाको अचानक हृदयघातका कारण मृत्यु हुँदा राम भावनात्मक रूपमा बिचलित भए । तर आफ्नो कर्तव्य सम्झिँदै, उनले श्रीमती चाँदनी लामा र दुई बालबालिकाको लागि आफ्नो जीवनको दिशा मजबुत बनाउने निर्णय गरे । धेरै संघर्ष र मेहनतपछि उनले माउन्टेन भ्युमा घर किन्ने सपना पुरा गरे । श्रीमती चाँदनीसँग मिलेर दुई सन्तान ६ वर्षीय छोरा रोमिन र २ वर्षीया छोरी जस्मिनलाई राम्रो भविष्य दिनका लागि उनीहरूले दुई शिफ्ट काम गरे, हरेक सपना साकार पार्न ।

रोगले ढोका ढकढक्याउँदा

तर दुर्भाग्यवश, सन् २०२४ मा रामलाई अस्वस्थ महसुस हुन थाल्यो । जाँच गर्दा क्यान्सरको प्रारम्भिक संकेत देखा पर्यो । समयमै उपचार सुरु गरिए पनि, रोग रोक्न सकिएन । थप जाँच र उपचारपछि उनी Qmage 4 को (अत्यन्त गम्भीर) अवस्थामा पुगे ।

विगत एक वर्षदेखि रामले कीमोथेरापी, इम्युनोथेरापी र अन्य महँगा उपचार लिंदै आएका छन् । उनको स्थिति अहिले पनि गम्भीर नै छ ।

आर्थिक भारले परिवार थिचिएको अवस्था

श्रीमती चाँदनीले श्रीमानको उपचार र सेवाका लागि आफ्नो जागिर छोड्नुप¥यो । घरको मासिक मोर्टगेज, गाडी, बालबालिकाको हेरचाह, स्कूल खर्च, दैनिकी खर्च, अनि बीमा नलेखिएको उपचार खर्च यी सबै जिम्मेवारीले परिवारलाई आर्थिक रूपमा निकै कमजोर बनाएको छ ।

रामको दीर्घकालीन उपचारका लागि आवश्यक रकम सयौं हजार डलरमा पुग्न सक्छ । हाल उनीहरूको सबै बचत सकिएको छ, क्रेडिट कार्डको ऋण पनि बढ्दै गएको छ ।

समुदायबाट सुरु गरिएको सहयोग अभियान

यस्तो विषम परिस्थितिमा राम र उनको परिवारलाई सहयोग पु¥याउने उद्देश्यले साथीभाइ, आफन्त र समुदायका अभियन्ताहरू मिलेर GoFundMe मार्फत आर्थिक सहयोग अभियान सुरु गरिएको छ ।

“आज उनीहरूको पालो हो — हामी साथ दिऊँ”

रामले सधैं अरूको पीडा बुझ्ने काम गरे, आज उनको आफ्नै परिवार पीडामा छ । साना छोराछोरीको भविष्य अध्यारो नहोस्, चाँदनीले श्रीमानको उपचारसँगै जीवनको अर्को यात्रा सुरु गर्न सकून् भन्ने उद्देश्यका साथ हामी सबैलाई सानो सहयोगले पनि ठूलो परिवर्तन ल्याउन सक्छ ।

राम, चाँदनी, रोमन र जस्मिन – तपाईंको माया र साथका पर्खाइमा छन् ।