नेपाल फेस्टिवल पर्थमा सहभागी हुँदै एनआरएनए अध्यक्ष केसीसहितका पदाधिकारी

• उद्वव भट्टराई
• भदौ २४, २०८१
• 0

गैरआवासीय नेपाली संघ वेस्टर्न अष्ट्रेलिया (पर्थ)ले नेपाली कला संस्कृति झल्काउनका लागि आगामी सेप्टेम्बर १४ तारिख शनिवार आयोजना गरेको नेपाल फेस्टिवलमा एनआरएनएका अध्यक्षसहितका पदाधिकारी सहभागी हुने भएका छन् ।

एनआरएनएले हरेक दुई वर्षमा आयोजना गर्ने नेपाल फेस्टिवललाई हौसला प्रदान गर्दै एनआरएनए आइसीसीको सक्रिय सहभागिताका लागि उनीहरु पर्थ जाने भएका हुन् । एनआरएनए आइसीसी अध्यक्ष डा.बद्री केसी, महिला उपाध्यक्ष रोजिना प्रधान राई र महिला सचिव टिका गुरुङले नेपाल फेस्टिवलमा जानका लागि कन्फर्म गरिसकेको आयोजक एनआरएनए अष्ट्रेलियाका उपाध्यक्ष तथा वेस्टर्न अष्ट्रेलियाका संयोजक शेखर घिमिरेले जानकारी दिए ।

नेपाल फेस्टिवलको सम्पुर्ण तयारी पुरा भइसकेको र पाहुनालाई स्वागतका लागि आतुर रहेको आयोजकको भनाई छ । अष्ट्रेलियाका नै विभिन्न राज्यमा रहेका एनआरएनए आइसीसी पदाधिकारी तथा एनसीसीका पदाधिकारी पनि पर्थमा आउने जानकारी प्राप्त भएको आयोजकको भनाई छ ।

एनआरएनए अध्यक्ष डा.केसीले १२ तारिखमा पर्थ पुग्ने र नेपाल फेस्टिवलमा सहभागिता जनाउने रोजगार मञ्चलाई जानकारी दिए । उनले एनआरएनएले नै आयोजना गरेको नेपालबाहिर नेपाल चिनाउने कार्यक्रममा धेरैभन्दा धेरैको सहभागिताका लागि आग्रह समेत गरेका छन् ।

नेपाल फेस्टिवलको उद्देश्य हुर्किदै गरेको नेपालीको पछिल्लो पुस्तालाई नेपाली भाषा, संस्कृति, भेषभूषाका बारेमा जानकारी गराउनका साथै नेपालको पर्यटन क्षेत्रमा योगदान दिने रहेको एनआरएनए अष्ट्रेलियाका उपाध्यक्ष घिमिरेले बताए । साथै, एउटै ठाउँमा बसोबास गर्दै आएका नेपाली नेपालीबीच भाइचारा र सम्बन्ध स्थापित गराउनका लागि पनि नेपाल फेष्टिभलले महत्वपूर्ण योगदान दिने उनको भनाई छ ।

नेपाल फेस्टिवलको उद्देश्य हुर्किदै गरेको नेपालीको पछिल्लो पुस्तालाई नेपाली भाषा, संस्कृति, भेषभूषाका बारेमा जानकारी गराउनका साथै नेपालको पर्यटन क्षेत्रमा योगदान दिने रहेको एनआरएनए अष्ट्रेलियाका उपाध्यक्ष घिमिरेले बताए । साथै, एउटै ठाउँमा बसोबास गर्दै आएका नेपाली नेपालीबीच भाइचारा र सम्बन्ध स्थापित गराउनका लागि पनि नेपाल फेष्टिभलले महत्वपूर्ण योगदान दिने उनको भनाई छ ।

नेपाल फेस्टिवलमा नेपालका पुर्व उपप्रधानमन्त्री रघुविर महासेठ, पुर्वराजदूत लक्की शेर्पालगायतको सहभागिता हुने जनाइएको छ ।

नेपाल फेष्टिभल पर्थ २०२४ लाई सफल बनाउन घिमिरे सहितको एनआरएन वेष्टर्न अष्ट्रेलियाको टिम सक्रियताका साथ लागेको छ । नेप्लीज एशोसिएसन अफ वेष्टर्न अष्ट्रेलिया (नावा), पर्थ नेपाली मन्दिर तथा कम्युनिटी सेन्टर पश्चिम अष्ट्रेलिया सहित विभिन्न संस्था, क्लब र व्यवसायीहरु समेत फेस्टिवलको सफलताको लागि क्रियाशिल रहेका छन् ।

फेस्टिवललाई वेष्टर्न अष्ट्रेलिया बहुसांस्कृतिक मन्त्रालय, सिटी अफ पर्थले आर्थिक सहयोग गरेको छ भने अजी फाईनान्स एण्ड होम लोनले मुख्य प्रायोजन गरेको छ ।

नेपाल फेस्टिवलमा सहभागी हुन अष्ट्रेलियाका विभिन्न राज्यबाट एनआरएनका अभियन्ताहरु, सामाजिक व्यक्तित्व, नेपाली समूदायका अगुवाहरु पनि आउने तय भएको छ ।

फेष्टिवलाई वेष्टर्न अष्ट्रेलिया बहुसांस्कृतिक मन्त्रालय, सिटी अफ पर्थले आर्थिक सहयोग गरेको छ भने अजी फाईनान्स एण्ड होम लोनले मुख्य प्रायोजन गरेको छ ।

संयोजक घिमिरे भन्छन्–‘यस पटकको नेपाल फेस्टिवलमा नेपाल झल्काउने नमूना सगरमाथा, ढुंगेधारा, बुद्धको मूर्तिदेखि नमूना धरहरा समेत राखिनेछ, त्यसैगरी बालबालिकाहरुलाई समय विताउन सहज होस् भनेर धेरै रमाइला गतिविधि समावेश गर्दैछौं, नेपाली राष्ट्रिय कलाकारसहित नेपालको गीत संगीत स्टेजमा घन्किने परम्परा कायमै राखेर यस पटक बहुसांस्कृतिक समूदायका प्रस्तुतिलाई पनि समेट्ने जमर्को हाम्रो छ ।”

एनआरएन अष्ट्रेलिया उपाध्यक्ष तथा वेस्टर्न अष्ट्रेलिया संयोजक घिमिरेका अनुसार यस पटकको नेपाल फेष्टिवलमा वेष्टर्न अष्ट्रेलिया राज्य सरकारका उच्चपदस्थ अधिकारीहरु सहभागी हुने भएका छन् । नेपाल फेष्टिवलमा सहभागी हुन अष्ट्रेलियाका विभिन्न राज्यबाट मात्र नभएर विभिन्न देशमा रहेका एनआरएनका अभियन्ताहरु, सामाजिक व्यक्तित्व, नेपाली समूदायका अगुवाहरु पनि आउने तय भएको छ ।

संयोजक घिमिरे भन्छन्–‘यस पटकको नेपाल फेस्टिवलमा नेपाल झल्काउने नमूना सगरमाथा, ढुंगेधारा, बुद्धको मूर्तिदेखि नमूना धरहरा समेत राखिनेछ, त्यसैगरी बालबालिकाहरुलाई समय विताउन सहज होस् भनेर धेरै रमाइला गतिविधि समावेश गर्दैछौं, नेपाली राष्ट्रिय कलाकारसहित नेपालको गीत संगीत स्टेजमा घन्किने परम्परा कायमै राखेर यस पटक बहुसांस्कृतिक समूदायका प्रस्तुतिलाई पनि समेट्ने जमर्को हाम्रो छ ।”

एनआरएन वेष्टर्न अष्ट्रेलियाका कोषाध्यक्ष हरिवंश संजेलका अनुसार नेपाल फेस्टिवलको १० दिनअघिदेखि नै विभिन्न स्थानीय लोकप्रिय पत्रिकाहरुमा र दुई साता अगाडिबाट स्थानिय रेडियोहरुबाट प्रचारप्रसार गरिएको छ । यस्तै सार्वजनिक यातायातका साधन, विभिन्न जमघटका ठाउँहरुमा नेपाल फेस्टिभलमा निमन्त्रणा गरिएको प्रचार सामग्री राखिएको छ । कोषाध्यक्ष संजेलले नेपालको बारेमा यहाँको बहुसांस्कृतिक समूदायलाई जानकारी दिने र नेपाल फेस्टिवलको समेत प्रचार गर्ने अपेक्षा गरिएको बताउँछन् ।

नेपाल फेस्टिवलमा निःशुल्क प्रवेशको व्यवस्था रहेकाले स्वदेशी तथा विदेशी गरेर १२ हजार अवलोकनकर्ता सहभागी हुने अपेक्षा आयोजकहरुको रहेको छ । नेपाल फेष्टिवल दिन सेप्टेम्वर १४ मा सुप्रिम कोर्ट गार्डेनबाट ११ बजे कलश यात्रा गरी सुरु हुँदै विभिन्न कार्यक्रमका साथमा राति ९ बजे आतिशबाजीका साथ भव्यताका साथ समापन गर्ने कार्यक्रम रहेको छ ।