कतारमा आयोजित ‘नेपाल आइडल, बुगीवुगी इद फेस्टिवल’ को तयारी पूरा

गौतमबुद्ध क्रिकेट स्टेडियम निर्माणका लागि न्यूनतम १० लाख सहयोग गर्ने प्रतिवद्धता

जेष्ठ १३, २०७६
0

कतारको सनैयास्थित ग्राण्ड मलको एसियन टाउन, एम्पिथियटरको हलमा जुन ६ (इदको दोस्रो दिन) आयोजना गरिएको ‘नेपाल आइडल, बुगीवुगी इद फेस्टिवल’ को तयारी पूरा भएको आयोजकले जनाएको छ ।

नेपाल आइडल र बुगीवुगी इद फेस्टिवलको आयोजक रहेका गैरआवासीय नेपाली संघ (एनआरएनए) मध्यपूर्व उपसंयोजक प्रबिन गुरुङले कार्यक्रमको सम्पूर्ण तयारी पूरा भएको बेस्ट वेष्टर्न होटेलमा आयोजित पत्रकार सम्मेलनमार्फत जानकारी दिएका छन् ।

उपसंयोजक गुरुङले उक्त कार्यक्रम नाफा वा घाटा जे भए पनि धुर्मुस सुन्तलीले चितवनमा बनाउन लागेको गौतम बुद्ध अन्तर्राष्ट्रिय क्रिकेट रंगशाला निर्माणका लागि १० लाख सहयोग गर्ने घोषणा गरे ।

यसअघि पनि गुरुङले नेपाल आइडल, भ्वाइस अफ नेपाल जस्ता चर्चित कार्यक्रमको कतारको दोहामा सफलतापुर्वक ग्राण्ड फिनाले सम्पन्न गरेका थिए । नेपाल आइडल र बुगीवुगी इद फेस्टिवल कार्यक्रमका सल्लाहकार सागर नेपालले पत्रकारहरुले सोधेको प्रश्नको जवाफ दिएका थिए ।

उक्त कार्यक्रममा नेपालबाट आमन्त्रित राष्ट्रिय एबं ख्यातिप्राप्त कलाकारहरु, नेपालकै पहिलो उत्कृष्ट रियालिटी शो नेपाल आईडल सिजन २ का ९टप फोर० कलाकारहरु फस्र्ट रनरअप विक्रम बराल, सेकेण्ड रनरअप सुमित पाठक, थर्ड रनरअप अस्मिता अधिकारीसंगै बिजेता रबि ओडले आफ्नो धमाकेदार प्रस्तुति दिनेछन् ।

नेपालको पहिलो अन्तर्रा्ष्ट्रिय फ्रेन्चाइज रियालिटी शो बुगी वुगी सिजन १ का ९टप फोर० कलाकारहरु बिजेता कविता नेपाली, दोश्रो स्थानमा पर्न सफल प्रतिभा पुन, तेश्रो सरोज मोक्तान र चौथो रबिन भुजेल सहभागी हुनेछन ।

यस्तै कार्यक्रममा चर्चित रयापर भिटेन, सालको पात टपरी हुनीका गायक कुलेन्द्र बिक, नायिका एलिना रायमाझी, हाँस्यकलाकार एबं विभिन्न चरा चुरुङ्गिको आवाज निकाल्न सक्ने रमेश दुलाल कागे लगायत अन्य चर्चित कलाकारहरुको प्रस्तुति रहने आयोजक गुरुङले बताए ।

कार्यक्रमलाई कतार तथा नेपालका प्रतिष्ठित कम्पनी तथा समूहको प्रायोजन र सहयोग रहेको छ । उक्त कार्यक्रमले भिजिट नेपालको अभियानमासमेत सहयोग पुग्ने आयोजक गुरुङले बताए ।

सम्बन्धित शीर्षकहरु