एमालेले आज ‘युथ सेलिब्रेशन’ गर्दै, एक लाख युवा उतार्ने दाबी

• बैशाख ११, २०८२
• 0

नेकपा एमालेले पार्टी स्थापना र लोकतन्त्र दिवसको अवसरमा आज काठमाडौंमा ‘युथ सेलिब्रेशन’ विशेष कार्यक्रमको आयोजना गर्दैछ ।

लोकतन्त्र दिवसको अवसर पारेर एमालेले दिउँसो १ बजेबाट काठमाडौंको भृकुटीमण्डपमा ४० वर्षमुनिका एक लाख युवाहरुलाई उतार्ने एमालेको तयारी छ ।

कार्यक्रममा पार्टी अध्यक्ष एवं प्रधानमन्त्री केपी शर्मा ओली र महासचिव शङ्कर पोखरेलले सङ्क्षिप्त शुभकामना मन्तव्य राख्ने र बाँकी सबै वक्ता युवा रहने छन् ।

जसअनुसार प्रतिनिधिसभा सदस्य सुहाङ नेम्वाङ, काठमाडौं महानगरपालिका उपप्रमुख सुनिता डङ्गोल, आनन्द सिंह, विष्णु पोखरेल, अश्विनी सेख, शिवकुमारी चौधरी, विशाल पुन, शर्मिला भण्डारी लगायतका युवाहरूले आफ्नो धाराणा राख्ने तयारी रहेको छ ।

आयोजकका अनुसार महोत्सवमा ४० वर्ष मुनिका विभिन्न उमेर समूहका युवाहरूले आफ्नो विचार राख्नेछन् भने विभिन्न सांस्कृतिक कार्यक्रम पनि हुनेछ ।

कार्यक्रममा देशभरबाट १ लाख युवाले सहभागिता जनाउने एमालेको दाबी छ ।

कार्यक्रममा आउनेहरूका लागि मोटरसाइकल र स्कुटर पार्किङको लागि बग्गीखानामा व्यवस्था गरिएको छ भने मिनी र ठूला बसका लागि टुँडिखेल र साना गाडीको लागि रङ्गशालामा व्यवस्था मिलाइएको जनाइएको छ ।

सम्बन्धित शीर्षकहरु

अधिकार विकेन्द्रीकरण नगर्दा जनतामा असन्तुष्टि बढ्यो : डा.शशांक कोइराला

साहस, सौन्दर्य र जोखिमको संगम : ‘तेन्जिङ–हिलारी विमानस्थल’

माओवादी संसदीय दलको बैठक सिंहदरबारमा जारी

रास्वपा संसदीय दलको बैठक बस्दै

एमालेले आज ‘युथ सेलिब्रेशन’ गर्दै, एक लाख युवा उतार्ने दाबी

आज १९औँ लोकतन्त्र दिवस मनाइँदै

मौसम पूर्वानुमान : यी प्रदेशमा आज मेघगर्जनसहित वर्षाको सम्भावना

रघुजी पन्त शिक्षामन्त्री नियुक्त

रिजन चेयर पर्सन मेघा तिमल्सिनाको रिजन कन्फ्रेन्स : ३ जना सामाजिक व्यक्तित्व सम्मानीत (फोटोफिचर)

कक्षा १२ को संशोधित परीक्षा तालिका सार्वजनिक