रवि लामिछानेलाई आज अदालतमा उपस्थित गराइँदै

• चैत्र २५, २०८१
• 0

राष्ट्रिय स्वतन्त्र पार्टी (रास्वपा)का सभापति रवि लामिछानेलाई आज अदालतमा उपस्थित गराइँदैछ ।

बुटवलको सुप्रिम सहकारी ठगी तथा संगठित अपराध मुद्दामा शुक्रबार राति काठमाडौंबाट पक्राउ गरी भैरहवा लगिएका लामिछानेलाई आज रूपन्देही प्रहरीले जिल्ला अदालतमा उपस्थित गराउन लागेको हो । अदालतमा उपस्थित गराई प्रक्रिया पूरा गरेपछि आजै उनलाई थुनामा पठाइने तयारी प्रहरीको छ ।

शनिबार र आइतबार सार्वजनिक बिदा भएकाले उनलाई जिल्ला प्रहरी कार्यालयको हिरासतमा राखिएको थियो ।

बुटवलको सुप्रिम सहकारी ठगी तथा संगठित अपराध मुद्दामा जिल्ला अदालत रुपन्देहीको आदेश उल्ट्याउँदै शुक्रबार उच्च अदालत तुलसीपुरको बुटवल इजलासले लामिछानेलाई थुनामा पठाउन आदेश गरेको थियो ।

जिल्ला अदालतले त्यसअघि लामिछानेलाई एक करोड धरौटीमा छाड्न आदेश गरेको थियो । त्यस आदेश बदर गरी साधारण तारेखमा छुट्ने आदेशको माग गर्दै लामिछानेले उच्च अदालतमा निवेदन दिएका थिए । उच्चले जिल्लाको आदेश उल्ट्याएर थुनामा पठाउन भनेपछि उनलाई काठमाडौंस्थित निवासबाट पक्राउ गरी रूपन्देही पठाइएको थियो ।

सम्बन्धित शीर्षकहरु

प्रधानमन्त्रीद्धारा शिक्षकका मागबारे मन्त्री र सचिवहरुसँग छलफल

राप्रपाले भन्यो : ‘मंगलबार हुने प्रदर्शन शान्तिपूर्ण हुन्छ’

हर्क साम्पाङलाई प्रधानमन्त्रीले भने- ‘धरानबासीलाई खानेपानीको प्रबन्ध गर्ने प्रक्रिया अघि बढ्यो’

बढ्दो वायु प्रदूषण बारे विज्ञहरुको चिन्ता : विगतका कार्ययोजना कार्यान्वयनमा जोड

विद्यार्थीहरुले घेरे चिकित्सा शिक्षा आयोग, सिट घटाउने निर्णयप्रति आक्रोश

राष्ट्रिय हितमा अडिक रहेर स्वाभिमानको रक्षा गर्दै अगाडि बढ्छौ : प्रधानमन्त्री

कालो मास्क लगाएर शिक्षकहरुको मौन प्रदर्शन

अत्याधिक वायु प्रदूषणले हवाइ उडान प्रभावित : यात्रुहरु अलपत्र, व्यवसायी निराश

रवि लामिछाने पूर्पक्षका लागि कारागार चलान

मन्त्रिपरिषदको बैठक बस्दै