कान्ति बाल अस्पताललाई हजार शैय्या पुर्‍याउन जापानी सहयोगका लागि मन्त्री पौडेलको आग्रह

• फाल्गुन १७, २०८१
• 0

कान्ति बाल अस्पताललाई एक हजार शैय्यामा विस्तार गर्ने कार्यमा सहयोगका लागि स्वास्थ्य तथा जनसंख्या मन्त्री प्रदीप पौडेलले आग्रह गरेका छन् । नेपालका लागि जापानी राजदूत तोरु मायदासँगको हालै भएको भेटका क्रममा मन्त्री पौडेलले बालबालिकाको उपचारका लागि विशिष्टिकृत अस्पताल भए पनि पर्याप्त पूर्वाधार नभएकाले विकास गर्ने सरकारको योजनामा साथ दिन जापान सरकारसँग आग्रह गरेका हुन् ।

भेटका क्रममा मन्त्री पौडेलले मन्त्रालयले घोषणा गरेको एक्सरे फिल्म प्रयोग निरुत्साहित गरेर डिजिटल वितरण योजनामा समेत जापान सरकारबाट साथ अपेक्षा गरेको बताएका थिए ।

त्यसक्रममा राजदूत मायदाले अस्पताललाई सघाउन सकारात्मक रहेको बताए । राजदूत मायदाले जापान र नेपालबीच लामो सहयोग सहकार्य रहेको भन्दै मन्त्रालयका अनुरोधका पक्षमा सकारात्मक रहेको बताएको मन्त्री पौडेलको सचिवालयले जनाएको छ ।

मन्त्री पौडेलले कान्ति बाल अस्पतालको क्षमता विस्तार गरेर बढी क्षमतामा प्रभावकारी बाल उपचार उपलब्ध गराउने योजना सार्वजनिक गरेका थिए । त्यसलाई सफल पार्न विभिन्न क्षेत्रसँग सहकार्य र संवाद भैरहेको छ । यसैक्रममा जापान सरकारसँग सहकार्यको विकल्पबारे खोजी भएको मन्त्री पौडेलको सचिवालयले उल्लेख गरेको छ ।

सम्बन्धित शीर्षकहरु

रिङ्कु सदाको मृत्युबारे प्रजिअ र सुरक्षा प्रमुखसँग माओवादी अध्यक्ष प्रचण्डले गरे छलफल

कान्ति बाल अस्पताललाई हजार शैय्या पुर्‍याउन जापानी सहयोगका लागि मन्त्री पौडेलको आग्रह

सिमेन्ट र रडको मुल्यवृद्धि हुँदा सबै क्षेत्र मारमा छ : अध्यक्ष सिंह

रिङ्कु सदाको न्यायका लागि सहयोग गर्ने प्रचण्डको प्रतिबद्धता

काठमाडौंका यी स्थानमा आज पाँच घण्टा बिजुली काटिने

मुख्यमन्त्री सिँहले गरे बर्दिवासका आठ अस्पताल अनुगमन, पाँचलाई बन्द गर्न निर्देशन

आजको मौसम : यी प्रदेशमा वर्षाको सम्भावना

हिमाली जिल्लामा हिमपातका कारण सडक अवरुद्ध, हवाई सेवा प्रभावित

दक्षिणा बुझेर विदा भए साधुसन्त (तस्बिरहरु)

नेपाल–जापानबीचको सम्बन्ध अब आयात–निर्यातमा पनि विकसित हुन थालेको छ : प्रधानमन्त्री