प्रयागराज महाकुम्भमा बस र बोलेरो ठोक्कियो, १० श्रद्धालुको मृत्यु, १९ जना घाइते

• फाल्गुन ३, २०८१
• 0

उत्तर प्रदेशको प्रयागराजमा गएराति ठूलो दुर्घटना भएको छ । महाकुम्भमा स्नान गर्न आएका १० श्रद्धालुको मृत्यु भएको छ भने १९ जना घाइते भएका छन् ।

बोलेरो र बस ठोक्किँदा दुर्घटना भएको हो । दुर्घटनामा अहिलेसम्म १० जनाको मृत्यु भएको भारतीय सञ्चारमाध्यमले जनाएका छन् ।

बस र बोलेरोमा सवार सबै मध्यप्रदेश र छत्तीसगढका बासिन्दा रहेको प्रारम्भिक जानकारीमा आएको छ । अहिले घाइतेहरुलाई अस्पताल लगिएको छ ।

जानकारी अनुसार मेजाको प्रयागराज–मिर्जापुर राजमार्गमा शुक्रबार राति यो घटना भएको हो । यहाँ भक्तजन बोकेको बोलेरो र बोलेरो बस एक आपसमा ठोक्किँदा बोलेरोमा सवार १० भक्तजनको घटनास्थलमै ज्यान गएको हो । ती सबै छत्तीसगढको कोरबा जिल्लाका बासिन्दा रहेको र संगम स्नान गर्न जाँदै गरेको बताइएको छ ।

अर्कोतर्फ बसमा सवार १९ जना पनि दुर्घटनामा घाइते भएका छन् । उनीहरु संगममा स्नान गरेर वाराणसी फर्किरहेका थिए । घाइते सबैलाई सीएचसी रामनगरमा भर्ना गरिएको बताइएको छ । बसमा सवार सबै मध्य प्रदेशको राजगढ जिल्लाका बासिन्दा हुन् ।

प्रहरीले दुर्घटनाको अनुसन्धान गरिरहेको जनाएको छ ।

सम्बन्धित शीर्षकहरु

प्रधानमन्त्री राष्ट्रिय प्रतिभा पुरस्कार घोषणा

राष्ट्रिय प्रजातन्त्र दिवसका अवसरमा राष्ट्रपति पौडेल टुँडिखेलमा

फागुन ७ नेपालीको जीवनमा सर्वाधिक महत्वको दिन हो : प्रधानमन्त्री ओली

निर्वाचनको सफलता आम नागरिकको सहभागिताले निर्धारण गर्दछ : दिनेश थपलिया

प्रजातन्त्र दिवसले जनता नै राज्य शक्तिको सम्पूर्ण स्रोत हुन् भन्ने मान्यतालाई स्थापित गरेको छ : राष्ट्रपति पौडेल

नेपाल स्काउटको प्रमुख आयुक्तमा देवराज घिमिरे नियुक्त

आज ७५औँ प्रजातन्त्र दिवस मनाइँदै, देशभर सार्वजनिक बिदा

उच्च पहाडी तथा हिमाली भेगका एक–दुई स्थानमा हल्का हिमपातको सम्भावना

नेपालमा एमसीसीका सबै परियोजना स्थगित

संस्कृत विश्वविद्यालयको ९१० बिगाहा जग्गा अतिक्रमण, प्रधानमन्त्रीलाई प्रतिवेदन हस्तान्तरण