निगमले फागुनबाट सिधै जापान उडान भर्ने, चैतबाट चिनमा पनि उडान शुरु गर्ने तयारी
- माघ २०, २०७५
- 0
राष्ट्रिय ध्वजावाहक नेपाल वायुसेवा निगमले फागुनबाट जापानमा सिधै उडान भर्ने भएको छ । नेपाल नागरिक उड्डयन प्राधिरकणले निगमलाई विमान सञ्चालन अनुमतिपत्र प्रदान गरेसँगै जापानी शहर ओशामा उडान भर्ने भएको हो ।
प्राधिकरणले निगमको ए ३३० वाइड बडी विमानलाई काठमाडौँ ओशाका उडानका लागि अनुमति दिएको हो । निगमले आगामी चैतभित्रै चिनियाँ शहरहरूमा समेत उडान सुरु गर्ने तयारी गरेको ।
निगमले हाल नयाँ दिल्ली, बंगलोर, मुम्बई, मलेसिया, सिंगापुर, बैंकक र कतारको उडान गर्दै आएको छ ।
चीन, दक्षिण कोरिया र साउदी अरबमा निकट भविष्यमै उडानका लागि निगमले प्रयास गरिरहेको छ । अन्तर्राष्ट्रिय उडानका लागि निगमसँग अहिले दुई वटा वाइड बडी, एक न्यारो बडी र एउटा बोइङ विमान छ ।