इजरायल रोजगारीको छनोट परीक्षा लोकसेवाको मापदण्डअनुसार हुने

भदौ ७, २०७८
0

इजरायल रोजगारीमा जान इच्छुक आवेदनकको लिखित र मौखिक परीक्षा लोकसेवा आयोगको नियम अनुसार गरिने भएको छ।

लिखित तथा मौखिक परीक्षा लोक सेवा आयोगले अवलम्बन गरेको विधि अनुसार गरिने श्रम, रोजगार तथा सामाजिक सुरक्षा मन्त्रालयले जनाएको छ।

सरकारी सम्झौता अनुसार इजरायल सरकारले हाल एक हजार केयरगिभर श्रमिकको माग भएको छ।

हालसम्म नौ हजार ६९९ युुवाले आवेदन दिएको वैदेशिक रोजगार विभागले जनाएको छ। प्राप्त आवेदनको अध्ययन गरिरहेको बताउँदै विभागले आवश्यक छानविन गरी लिखित परीक्षामा सहभागी हुने परीक्षर्थीको अन्तिम सूची प्रकाशित गर्ने जनाएको छ।

इजरायलमा नेपालीलाई रोजगारी दिने विषय पूर्णतः योग्यता प्रणालीमा आधारित हुने मन्त्रालयको सूचनामा उल्लेख गरेको छ।

सम्बन्धित शीर्षकहरु