मलेसियाबाट एकै दिन २४ नेपालीको शव र अस्थु नेपाल आयो

भदौ ६, २०७८
0

शनिबार एकैदिन मलेसियाबाट २४ जना नेपालीको शव र अस्थु नेपाल आईपुगेको छ ।

रोजगारीको शिलशिलामा मलेसियामा गएका र विभिन्न समयमा मृत्यु भएका नेपालीहरुको शव र अस्थु नेपाल वायुसेवा निगमको वाइडबडी विमानले ल्याएको हो ।

वैदेशिक रोजगार बोर्डले मलेसियाबाट नौवटा शव र १५ वटा अस्थु गरी २४ युवकको शव आइपुगेको जनाएको छ । कोभिडका कारण नियमित उडान हुन नसक्दा शव संकलन गरी एकैपटक ल्याइएको पनि वोर्डले जनाएको छ ।

९ वटा शव विमानस्थलबाटै मृतकका घरसम्म पठाइएको र अस्थु भने सम्बन्धित मृतकका आफन्तलाई डाकेर विमानस्थलमा जिम्मा लगाइने पनि बोर्डले जनाएको छ । झण्डै दुइै दशक यता देशको आर्थिक मेरुदण्डको रुपमा रेमिट्यान्स रहँदै आएको छ ।

तर विदेशमा कमाउन गएकाहरु भने शवको रुपमा फर्कने क्रम पनि बढ्दो छ । औसत दिनमा ३ वटा शव विदेशबाट आउने गरेको तथ्यांक वैदेशिक रोजगार वोर्डसंग रहेको छ ।

बोर्डको तथ्याङ्कअनुसार गत आर्थिक वर्षमा १ हजार २४२ जना नेपालीले विदेशमा ज्यान गुमाएका छन् । यस्तो संख्या अघिल्लो वर्ष ६७४ जना मात्रै थियो ।

सम्बन्धित शीर्षकहरु