एनबीआईको पहलमा ६ वटा अस्पताललाई अक्सिजन प्लान्ट सहयोग

असार १२, २०७८
0

राष्ट्रिय व्यवसायिक पहल (एनबीआइ)को सहयोग र सहकार्यमा नेपालका निजी क्षेत्रको प्रयासबाट विभिन्न ६ वटा अस्पताललाई अक्सिजन प्लान्ट सहयोग गरिएको छ ।

अस्पतालमा अक्सिजन संकटलाई केही हदसम्म भए पनि न्यूनीकरण गर्नका लागि एनबीआईले करिब ७ करोड ६८ लाख मूल्य बराबरको ६ थान अक्सिजन प्लान्ट मगाएर विभिन्न अस्पताललाई उपलब्ध गराउन सहजीकरण गरिएको एनबीआइले जनाएको छ ।

मकवानपुर उद्योग बाणिज्य संघको शत प्रतिशत सहयोगमा हेटौडा अस्पताललाई, आइएमई फाउण्डेशनको शत प्रतिशत सहयोगमा टेकुस्थित शुक्रराज संक्रामक तथा सरुवा रोग अस्पताललाई तथा किर्तिपुर नगरपालिकाको ७५ प्रतिशत र एनबीआईको २५ प्रतिशत आर्थिक सहयोगमा किर्तिपुर अस्पताललाई लगायत जनमैत्री अस्पताल बालुजुमा एक एक थान प्लान्ट उपलब्ध गराइने जनाइएको छ ।