कौशलाको स्मृति दिवसमा ‘आमा भएको भए’

• चैत्र ८, २०७७
• 0

कौशला लामिछानेको छैटौं स्मृति दिवस तथा उनैद्वारा लिखित कथा सङ्ग्रह ‘आमा भएको भए’ को लोकार्पण कार्यक्रम राजधानीको स्वयम्भूस्थित होटल च्वाइसको प्रेक्षालयमा शनिबार सुसम्पन्न भएको छ । वरिष्ठ आख्यानकार तथा प्राज्ञ माया ठकुरीको प्रमुख आतिथ्य तथा नियात्राकार युवराज नयाँघरेको विशिष्ट आतिथ्यमा सम्पन्न भएको थियो ।

त्यसैगरी विशिष्ट अतिथि युवराज नयाँघरेले दिवङ्गत कौशला लामिछानेसँग भएका भेटघाट, भलाकुसारीको स्मरण गर्दै उनको धारिलो लेखनीको मुक्त कण्ठले प्रशंसा गरे । नयाँघरेले नियतिले उनलाई चटक्क चुँडेर लगेकोमा दुखेसो व्यक्त गरेका थिए ।

प्रमुख अतिथि माया ठकुरीले कौशला लामिछानेले अलका अस्पतालमा बिताएका अन्तिम दर्दनाक क्षणहरूको स्मरण गर्दै कथा सङ्ग्रहमा सङ्गृहीत कथाहरू अब्बल दर्जाका रहेको दाबी गरिन् । उनले सम्भावनाकी खानी कौशलाको अल्पायुमै भएको निधनले नेपाली साहित्य भण्डारलाई अपूरणीय क्षति भएको स्मरण गरिन् ।

आमन्त्रित अतिथिहरूलाई स्वागत गर्दै कोषका महासचिव, प्रलेसका पूर्व महासचिव, चर्चित कवि तथा समालोचक डङ्गोलले कौशला लामिछानेको व्यक्तित्व र कृतित्वमाथि प्रकाश पारे । उनले संस्थाका गतिविधि, अभीष्ट र आगामी योजनाबारे पनि समुपस्थित स्रष्टाहरूलाई अवगत गराए ।

कृतिको सङक्षिप्त टिप्पणी गर्दै संस्थाका सदस्य माधव घिमिरे ’अटल’ले ‘आमा भएको भए’ भन्ने आख्यान कृतिको समीक्षा गर्न स्वयम् पाठकहरूलाई जिम्मा दिँदै नवोदित कथाकार तथा युवा पुस्ताले भने यो कृति पढ्नैपर्ने बताए ।

कार्यक्रममा सामाखुसी साहित्य समाजका अध्यक्ष भाग्यशाली अधिकारीले सामाखुसी साहित्य प्रतिष्ठानले नै कौशला लामिछानेको लेखनीलाई गोडमेल गरेको जिकिर गरे । समापन मन्तव्यका सिलसिलामा कार्यक्रमका सभापति तथा कौशला लामिछाने स्मृति कोषका अध्यक्ष राजेन्द्रमान डङ्गोलले कौशला लामिछानेलाई अविस्मरणीय बनाउन संस्थाले आगामी दिनमा थप कार्यक्रमहरू आयोजना गर्ने जानकारी दिए । १९ वर्षभन्दा मुनिका कृतिकारहरूलाई पुरस्कृत गर्ने संस्थाको योजना रहेको पनि डङ्गोलले खुलासा गरे ।

कोषका सदस्य कृष्णकिशु न्यौपानेले सहजीकरण गरेको सो कार्यक्रममा दिवङ्गत कौशलाकी बहिनी मेनका लामिछानेलगायत अन्य अतिथि वक्ताहरूले पनि कौशला लामिछानेको व्यक्तित्व र कृतित्वबारे आआफ्नो धारणा राखेका थिए ।

उक्त कार्यक्रममा बलराम दाहाल, भैरवी भूगोल, निर्भीकजङ रायमाझी, नारायण निरासी, श्रीहरि फुयाँल, रेजिना आपागाई, गणेश खतिवडा, प्रभाती किरण, समाश्री, लगायत कवि–कवयित्रीहरूले विशेष रचना वाचन गरेका थिए ।

सम्बन्धित शीर्षकहरु

‘नेपाली साहित्यको अवस्था भुटानभित्र अति नाजुक छ’ केशव वैरागी माइला

संचारकर्मी होम कार्कीलाई ‘अनेसास शिखर पुरस्कार’

युवराज नयाँघरेको १९ औं कृति ‘आगोको बीउ’ लोकार्पण

पत्रकार सुधीर शर्माका दुई पुस्तक एकसाथ विमोचन

युवराज नयाँघरेको निबन्धसंग्रह ‘आगोको बीउ’ बजारमा

रमजान अली मियाँको पुस्तक ‘नमाज’ राष्ट्रियसभा अध्यक्ष दाहालले गरे विमोचन

मदन पुरस्कार मोहन मैनालीको ‘मुकाम रणमैदान’लाई, योगेन्द्रप्रसाद यादवलाई जगदम्बा श्री

पोर्चुगलमा नेपाल–पोर्चुगल दर्पण प्रकाशित

गोर्खा लाहुरेको कथा बोकेको साहित्यकार राईको उपन्यास ‘किवाहाङ’ माथि परिचर्चा

साहित्यकार राजकुमार राईद्वारा लिखित उपन्यास ‘किवाहाङ’ बजारमा