रोजगारका लागि सामाजिक सञ्जाल र मोवाइल एप ‘रोलिङ नेक्सस’ सार्वजनिक

• रोजगारमञ्च
• फाल्गुन २५, २०७७
• 0

नेपालकै पहिलो व्यवसायिक सामाजिक सञ्जाल ‘रोलिङ नेक्सस डटकम’ र मोवाइल एप ‘रोलिङ नेक्सस’ सार्वजनिक भएको छ । रोलिङ प्लान्स प्रालिले ल्याएको रोलिङ नेक्ससको ‘नयाँ सम्भावनाहरुको सञ्जाल’ मुल नारासहित सार्वजनिक गरिएको हो ।

रोलिङ नेक्ससको सामाजिक सञ्जाल र मोवाइल एप श्रम,रोजगार तथा सामाजिक सुरक्षामन्त्री गौरीशंकर चौधरीले मंगलबार एक कार्यक्रमकाबीच सार्वजनिक गरे ।

रोलिङ नेक्ससको मुख्य लक्ष्य रोजगारी सृजना, प्रवद्र्धन, दक्षता अभिवृद्धिका साथै उद्यमशिलता विकास गर्ने रहेको छ । इम्प्लोइमेण्ट, इन्टरप्रेनरशिप, इम्पावरमेण्ट र इन्गेजमेण्ट गरी ‘४ इ’ लाई प्राथमिकता दिने रोलिङ नेक्ससका अध्यक्ष अनुप जंगमले जानकारी दिए । उनले भने–‘ गीग इकोनोमीको अवधारणमा रहेर अवसर र सम्भावनाहरुको खोजी, उद्यमशीलता प्रवद्र्धन तथा व्यवसायिक वृद्धि, महिला, विपन्न समूह, फरक सक्षमता भएका र सेवानिवृत समूहलाई पनि अवसर र सम्भावना दिने छौ ।’

रोलिङ नेक्ससको मुल एप बाहेक अन्य दुई मोवाइल एप्लिेकसन रोलिङ कर्मसिल स्वदेश र रोलिङ कर्मसिल विदेश पनि सार्वजनिक गरेको छ । रोलिङ कर्मसिल स्वदेश एपबाट दक्ष, अदक्ष श्रमिकलाई उपयोगी हुने रोजगारी र अन्य अबसरका जानकारी मोवाइल नोटिफिकेसन मार्फत उपलब्ध गराउने जनाइएको छ । साथै, स्वतन्त्र रोजगारी गर्न चाहनेहरुका लागि आफ्नो सीप अनुसारको घर सेवा तथा आफ्नो सवारी साधन भएकाले वितरण सेवाको अवसर खोजी गर्न पनि सकिने बताइएको छ ।

रोलिङ कर्मसिल विदेश एपबाट भरपर्दो वैदेशिक रोजगारीको खोजी, विदेश बसाईका क्रममा परेका समस्याको समाधानका लागि पहल र स्वदेश फर्केर केही गर्न चाहानेका लागि अवसरहरुको लाभ लिन सक्ने सुविधा रहेको अध्यक्ष जंगमले जानकारी गराए ।

रोलिङ नेक्ससले रोलिङ जब, रोलिङ टेण्डर, रोलिङ फ्रिलान्स, रोलिङ क्याट, रोलिङ इभेन्ट, रोलिङ छलफल, रोलिङ बजार सबै क्षेत्रका काम गर्ने जनाएको छ । मुलुकमा रोजगारी र उद्यमशीलताका अवसर उत्साहजनक नरहेको अवस्थामा नयाँ सम्भावना र अवसरहरुलाई एउटै प्लाटफर्ममा समेट्ने उद्देश्यले रोलिङ नेक्सस सुरु गरिएको अध्यक्ष जंगमको भनाई छ ।

एउटै प्लाटफर्ममा सबै प्रकारका सेवा उपलब्ध गराएको रोलिङ नेक्ससको सफलताको शुभकामना मन्त्री चौधरीले दिए । राष्ट्रिय योजना आयोगका सदस्य डा. रामकुमार फुँयल, पूर्वसेनापति रुक्माङ्गत कटुवालले लनलाइन माध्यमको प्रयोगको सदुपयोग गरेर रोलिङ नेक्ससले नयाँ आयाम थपेको भन्दै शुभकामना दिए ।

सम्बन्धित शीर्षकहरु

श्रम तथा व्यवसायजन्य सुरक्षा विभाग र सामाजिक सुरक्षा कोषबीच सम्झौता

एक सय २० मुसहर मजदुरलाई भारतमा चरम श्रम शोषण, आठ महिना बन्धक

तराई वैदेशिक रोजगार व्यवसायी समाजको अध्यक्षमा नवल किशोर यादव चयन

रुसका लागि छिट्टै श्रम स्वीकृति खुलाउन आवश्यक पहल गर्ने श्रम मन्त्रीको प्रतिवद्धता

‘राष्ट्रिय श्रम तथा रोजगार सम्मेलन–२०८१’ फागुन १६ र १७ मा

‘वैदेशिक रोजगारबाट प्राप्त भएको रेमिट्यान्सलाई कमजोर नठानौं’

इटा उद्योगका मजदुर भन्छन् : ‘पारिश्रमिक थोरै भएपनि बाँच्नै परेको छ’

विदेश जानेको स्वास्थ्य परीक्षण गर्ने सबै संस्थामा बायोमेट्रिक प्रणाली लागु गर्न माग

सम्पर्कविहीन प्रहरीहरुलाई ७ दिन भित्र हाजिर हुन निर्देशन

मुगुका युवा रोजगारीका लागि भारत र ठूला सहरतिर पलायन