टिप टप हेल्प नेपालले नवौं पिएम कप एनभीए लिगको उपाधि जित्दै इतिहास रच्यो

• जेष्ठ १६, २०८२
• 0

टिप टप हेल्प नेपालले नवौं संस्करणको पिएम कप एनभीए लिग (पुरुषतर्फ) को उपाधि जित्दै उपाधि रक्षा गर्न सफल भएको छ। यो उपाधि हेल्प नेपालको पाँचौं एनभीए लिग उपाधि हो ।

बिहिबार सम्पन्न फाइनल खेलमा हेल्प नेपालले सानदार पुनरागमन गर्दै घरेलु टोली गण्डकी प्रदेशलाई ३–२ ले पराजित ग¥यो । यससँगै हेल्प नेपालले लगातार तेस्रो पटक उपाधि उचाल्ने गौरव हासिल गरेको छ । यो जितसँगै टोलीले माल्दिभ्समा आयोजना हुने काभा क्लब च्याम्पियनसिपका लागि पनि छनोट पाएको छ।

गत वर्ष नेपालमै सम्पन्न काभा क्लब च्याम्पियनसिपमा पनि हेल्प नेपाल र गण्डकीले आमने–सामने प्रतिस्पर्धा गरेका थिए।

पोखराको खचाखच भरिएको कभर्ड हलमा गण्डकी प्रदेश गत वर्षको फाइनलको हारको बदला लिन दृढ देखिएको थियो। सोहीअनुसार उसले खेलमा उत्कृष्ट सुरुवात गर्दै पहिलो दुई सेट २५–२० र २७–२५ को स्कोरमा जितेको थियो।

एक सेट मात्र जिते पुग्ने अवस्थामा रहेको गण्डकीलाई हेल्प नेपालले चमत्कारिक पुनरागमनका साथ रोक्न सफल भयो। बाँकी तीन सेट क्रमशः २५–२२, २५–१४, र १५–८ ले आफ्नो पक्षमा पार्दै हेल्प नेपालले उपाधि सुरक्षित ग¥यो।

गण्डकी प्रदेशले फेरि एकपटक उपाधिको नजिक पुगे पनि जित हात पार्न सकेन। लगातार तेस्रो पटक च्याम्पियन बनेको हेल्प नेपाल यसअघि तेस्रो र पाँचौं संस्करणमा पनि विजेता रहन सफल भएको थियो।

सम्बन्धित शीर्षकहरु

आरिफको शानदार ब्याटिङसँगै नेपालको लगातार दोश्रो जित, नेदरल्याण्ड ५ विकेटले पराजित

पञ्जाबलाई हराउँदै बेंगलुरु पहिलोपटक आईपीएल च्याम्पियन

आईपीएलको फाइनल खेलमा आरसिबी र पन्जाब भिड्दै

आईसीसी विश्वकप लिग–२ : करणको उत्कृष्ट ब्याटिङमा स्कटल्यान्डविरुद्ध नेपालको रोमाञ्चक जित

टिप टप हेल्प नेपालले नवौं पिएम कप एनभीए लिगको उपाधि जित्दै इतिहास रच्यो

विश्वकप एसिया क्षेत्र छनोटको अन्तिम खेलमा नेपाल थाइल्यान्डसँग पराजित

महिला टी-२० विश्वकप एसिया छनोट : युएईलाई हराउँदै नेपाल विश्वकपको ग्लोबल छनोटमा

आईपीएल आजदेखि पुनः सुरु हुँदै

शनिबारदेखि पुनः सुरु हुँदै आईपीएल

भारत र पाकिस्तानबीच तनाव बढेपछि आइपिएल स्थगित