तीन दिनभित्र सरुवा भएका कर्मचारी हाजिर गराएर काज फिर्ता गराउन स्वास्थ्य मन्त्रालयको चेतावनी

• जेष्ठ २८, २०८२
• 0

स्वास्थ्य तथा जनसंख्या मन्त्रालयले संघीय अस्पताल तथा मातहतका निकायमा सरुवा भए पनि हाजिर नगराइएका कर्मचारीलाई तीन दिनभित्र हाजिर नगराए कारबाही गर्ने चेतावनी दिएको छ ।

सरुवा भए पनि कर्मचारीहरुलाई हाजिर नगराइएको तथा काजमा लामो समय कार्यरत रहेको गुनासो पछि स्वास्थ्य तथा जनसंख्या मन्त्री प्रदीप पौडेलले यसलाई रोक्न तीन दिनभित्र हाजिर गराउने व्यवस्था गर्न अधिकारीहरुलाई भनेका थिए ।

लगत्तै मन्त्रालयको कर्मचारी प्रशासन शाखाले संघीय अस्पताल तथा मातहतका कार्यालयमा पत्र पठाउँदै तीन दिनभित्र कर्मचारीहरुलाई हाजिर नगराए विभागीय कारबाही तथा सेवा सुविधा वागतको रकम असुलउपर गर्ने सचिवस्तरीय निर्णयको ब्यहोरासहितको पत्र पठाएको हो ।

स्वास्थ्य सेवामा आफ्नो दरबन्दी भन्दा बाहिर काजमा बस्ने प्रवृत्ति धेरै रहेको र यसकै कारण सरुवा भएकालाई समेत हाजिर गराउन नसकिएको गुनासो सुनिने गरेको थियो । सोही गुनासो सम्बोधन गर्न मन्त्रालयले कडा चेतावनीसहितको पत्र पठाएको हो ।

मन्त्रालयका प्रवक्ता डा. प्रकाश बुढाथोकीले अटेर गरेमा विभागीय कारबाही गरिने बताए ।

सम्बन्धित शीर्षकहरु

प्रतिनिधिसभाको बैठक शुक्रबार बस्ने गरी स्थगित

पूर्वसांसद आलमलाई सफाइ दिने न्यायाधीशमाथि कालो मोसो प्रहार

उर्जामन्त्री खड्कासँग विश्व बैँकका क्षेत्रीय निर्देशकको भेट

नेपालमा धेरै सम्भावनाहरु छन्, सदुपयोग गर्नुपर्छ : अर्थमन्त्री पौडेल

नयाँ नेतृत्व चयनका लागि अनेरास्ववियुको मतदान सुरु, आजै नतिजा आउने

आज दुई वटा संसदीय समितिको बैठक बस्दै

प्रतिनिधिसभाको बैठक बस्दै, हटला त प्रतिपक्षीको अवरोध ?

अनेरास्ववियुको नेतृत्व चयनका लागि आज मतदान

पहाडी भागका केहि स्थानहरूमा वर्षाको सम्भावना

तीन दिनभित्र सरुवा भएका कर्मचारी हाजिर गराएर काज फिर्ता गराउन स्वास्थ्य मन्त्रालयको चेतावनी