दुर्गा प्रसाईंलाई आज काठमाडौं ल्याउने तयारी

चैत्र २९, २०८१
0

भारतबाट पक्राउ परेका दुर्गा प्रसाईंलाई आज काठमाडौं ल्याउने तयारी गरिएको छ । त्यसका लागि विशेष व्युरो र अपराध अनुसन्धान कार्यालयको टोली नेपाल-भारत सीमा क्षेत्रमा पुगिसकेको छ ।

यही चैत १५ गते काठमाडौंको तीनकुनेमा राजावादीहरुले गरेको हिंसात्मक प्रदर्शनपछि प्रसाईं फरार भएका थिए । उनलाई खोज्न नेपाल प्रहरीका तीन विशेष टोली भारत नै पुगेको थियो ।

उनलाई आज आसामको गुवाहिटी हुँदै झापा ल्याउने र त्यहाँबाट काठमाडौं ल्याउने तयारी थियो । तर झापाको काँकडभिट्टा नाकामा प्रसाईँ समर्थकहरू भेला भएपछि उनीहरुले अवरोध गर्ने आशंकामा भद्रपुर विमानस्थल हुँदै काठमाडौँ ल्याउने प्रहरीको तयारी रहेको बुझिएको छ ।

प्रहरीले भने विहीबार विज्ञप्ति जारी गर्दै दुर्गा प्रसाईं भारतमा पक्राउ परेको समाचारलाई खण्डन गरेको थियो । प्रसाईंको सचिवालयले भने उनले आसाम प्रहरीमा आत्मसमर्पण गरेको दाबी गरेको छ ।

सम्बन्धित शीर्षकहरु