काठमाडौंमा सुरक्षाकर्मीको हाईअलर्ट, संवेदनशील क्षेत्रहरुमा कडा निगरानी

• फाल्गुन २५, २०८१
• 0

पूर्वराजा ज्ञानेन्द्र शाह पोखराको एक साता बसाइँपछि काठमाडौं फर्किंदा राजावादी दल र समूहहरुले उनको स्वागतमा प्रदर्शन गर्दैछन् । उनीहरुको प्रदर्शनलाई मध्यनजर गरी काठमाडौंमा सुरक्षाकर्मीलाई ‘हाई अलर्ट’मा राखिएको छ ।

आज बिहानैदेखि काठमाडौंको नारायणहिटी दरबार संग्रहालय, त्रिभुवन अन्तर्राष्ट्रिय विमानस्थल सहित चाबहिल, गौशाला लगायत संवेदनशील क्षेत्रहरुमा सुरक्षाकर्मीहरुलाई परिचालन गरिएको काठमाडौं उपत्यका ट्राफिक प्रहरी कार्यालयका उपरीक्षक संजय बहादुर राउतले बताए ।

उनले भने, ‘आज पोखराबाट पूर्व राजा आउँदै हुनुहुन्छ । बिहानैदेखि काठमाडौंको नारायणहिटी दरबार संग्रहालय, त्रिभुवन अन्तर्राष्ट्रिय विमानस्थल सहित चाबहिल, गौशाला, महाराजगञ्ज लगायत संवेदनशील क्षेत्रहरुमा सुरक्षाकर्मीहरु परिचालन छन् । आवश्यकता अनुसार सुरक्षाकर्मीहरु परिचालन गरिएका छन् । जस्तो परिस्थिति आए पनि सामना गर्ने गरी रणनीति बनाएका छौं ।’

पूर्वराजा ज्ञानेन्द्र शाह पोखराबाट आज दिउँसो काठमाडौं आउँदैछन् । उनको स्वागतका लागि राजावादीहरु काठमाडौंका विभिन्न स्थानबाट जुलुससहित त्रिभुवन अन्तर्राष्ट्रिय विमानस्थलको गेट अगाडि भेला हुने तयारीमा छन् ।

सम्बन्धित शीर्षकहरु

कुलमान घिसिङले पठाए मन्त्रिपरिषद्ले सोधेको स्ष्टीकरणको जवाफ (पूर्णपाठ)

गेटा मेडिकल कलेजलाई विश्वविद्यालयमा स्तरोन्नति गरिने

काठमाडौंमा पूर्वराजा ज्ञानेन्द्रको स्वागत, समर्थकले लगाए चर्का नारा

जागरण अभियानले जनतामा माओवादीप्रति भरोसा बढाएको छ : प्रचण्ड

पोखराबाट उडे पूर्वराजा, त्रिभुवन विमानस्थल बाहिर राजावादीहरुको प्रदर्शन सुरु

फिरन्ते जीवनबाट आत्मनिर्भरतातर्फ : वनकरिया समुदायको बदलिँदो यात्रा

तारिख बुझ्न कास्की हिँडे रवि लामिछाने, भोलि रुपन्देही अदालतमा जाने

काठमाडौंमा सुरक्षाकर्मीको हाईअलर्ट, संवेदनशील क्षेत्रहरुमा कडा निगरानी

संघीय सरकार मातहतको गोदामघर प्रदेश सरकारलाई हस्तान्तरण

मिथिला माध्यमिकी परिक्रमा आज सतोषर पुग्दै