सुर्खेत विमानस्थलमा यतिको सफल परिक्षण उडान

• फाल्गुन २४, २०८१
• 0

यति एअरलाइन्सले कर्णाली प्रदेशको राजधानी सुर्खेतमा परीक्षण उडान गरेको छ । शनिबार यती एअरलाइन्सको ९ एन–एएमएन कल साइनको एटीआर ७२ विमानले सुर्खेत विमानस्थलमा सफल परीक्षण उडान गरेको हो ।

निकट भविष्यमै यति एअरलाइन्सले काठमाडौं–सुर्खेत नियमित उडान गर्ने एयरलाईन्सका प्रवक्ता सुदर्शन बर्तौलाले जानकारी दिए ।

नेपालगन्ज विमानस्थलबाट उडेको यतीको विमान दिउसो सवा १२ बजे सुर्खेत बिमानस्थलमा अवतरण गरेको थियो । परीक्षण उडानमा रहेको उक्त विमानलाई यती एअरलाईन्सका प्रशिक्षक पाइलटद्वय क्याप्टेन समर्थरत्न तुलाधर र क्याप्टेन राजु राजवंशीले जहाज उडाएका थिए । परीक्षण उडानको अवलोकनका लागि नेपाल नागरिक उड्डयन प्राधिकरणका तथा यती एअरलाईन्सका प्राविधिक तथा प्रतिनिधिहरुको टोली साथमा रहेका थिए ।

यती एअरलाइन्सले निकट भविष्यमा काठमाडौ सुर्खेत नियमित उडान गर्ने तथा वैकल्पिक विमानस्थलको रुपमा प्रयोग गर्ने उद्देश्यले परीक्षण उडान गरेको जनाएको छ । परीक्षण उडानको रिपोर्टको आधारमा आगामी दिनमा नियमित उडान गर्ने प्रवत्ता बर्तौलाले बताए ।

यती एअरलाइन्सले ७ वटा एटीआर ७२ विमान मार्फत नियमित रुपमा काठमाडौं, चन्द्रगढी, विराटनगर, जनकपुर, सिमरा, पोखरा, भैरहवा, नेपालगन्ज विमानस्थल लगायत पर्वतीय उडानहरु गर्दै आएको छ । निकट भविष्यमा थप विमान मार्फत सेवा बिस्तार गर्न लागेको एयरलाइन्सले जानकारी दिएको छ । यतिको प्रवेशसंगै कर्णालीको राजधानी सुर्खेतबाट दैनिक उडान थपिँदा यात्रुहरुलाई राहत मिल्ने छ ।

सम्बन्धित शीर्षकहरु

गेटा मेडिकल कलेजलाई विश्वविद्यालयमा स्तरोन्नति गरिने

काठमाडौंमा पूर्वराजा ज्ञानेन्द्रको स्वागत, समर्थकले लगाए चर्का नारा

जागरण अभियानले जनतामा माओवादीप्रति भरोसा बढाएको छ : प्रचण्ड

पोखराबाट उडे पूर्वराजा, त्रिभुवन विमानस्थल बाहिर राजावादीहरुको प्रदर्शन सुरु

फिरन्ते जीवनबाट आत्मनिर्भरतातर्फ : वनकरिया समुदायको बदलिँदो यात्रा

तारिख बुझ्न कास्की हिँडे रवि लामिछाने, भोलि रुपन्देही अदालतमा जाने

काठमाडौंमा सुरक्षाकर्मीको हाईअलर्ट, संवेदनशील क्षेत्रहरुमा कडा निगरानी

संघीय सरकार मातहतको गोदामघर प्रदेश सरकारलाई हस्तान्तरण

मिथिला माध्यमिकी परिक्रमा आज सतोषर पुग्दै

पूर्वराजा आज पोखराबाट काठमाडौँ आउँदै, राजावादीहरूले शक्ति प्रदर्शन गर्ने