प्रधानमन्त्री ओली आज चीनको औपचारिक भ्रमणमा जादैँ

• मंसिर १७, २०८१
• 0

प्रधानमन्त्री केपी शर्मा ओली आज जनवादी गणतन्त्र चीनको औपचारिक भ्रमणका लागि जादैँ छन् ।

चीनका प्रधानमन्त्री ली छ्याङको निमन्त्रणामा उनी चीनको बेइजिङ जान लागेका हुन् । उनले २० गतेसम्म चीनको औपचारिक भ्रमण गर्न लागेका छन् ।

भ्रमणका क्रममा उनले चीनका राष्ट्रपति सी जिनपिङसँग बेइजिङमा भेटवार्ता गर्ने कार्यक्रम रहेको परराष्ट्र मन्त्रालयले जनाएको छ । यसको साथै, ओलीसँग चीनको राष्ट्रिय जनकांग्रेसका स्थायी समितिका अध्यक्ष झाओ लेजीको समेत भेट हुने तालिका रहेको छ ।

यस्तै, उनको पेकिङ विश्वविद्यालयमा सम्बोधन गर्ने, बेइजिङस्थित नेपाली राजदूतावास, चाइना काउन्सिल फर द प्रमोशन अफ इन्टरनेसनल ट्रेड र नेपाल उद्योग वाणिज्य महासङ्घको संयुक्त आयोजनामा हुने नेपाल–चीन व्यापार मञ्चलाई सम्बोधन गर्ने कार्यक्रम पनि छ ।

त्यस्तै, नेपाली प्रतिनिधिमण्डलमा परराष्ट्रमन्त्री डा आरजु राणा देउवा, प्रधानमन्त्रीका मुख्य सल्लाहकार विष्णुप्रसाद रिमाल, प्रधानमन्त्रीका आर्थिक तथा विकास सल्लाहकार डा युवराज खतिवडा, संसद्हरू, विशिष्ट श्रेणीका सरकारी अधिकारीहरू, निजी क्षेत्रका प्रतिनिधिहरू, सञ्चारकर्मीहरूलगायत रहने छन् ।

सम्बन्धित शीर्षकहरु

३३ स्थानको मतपरिणाम आउँदा कसले कहाँ जिते ?

काठमाडौं महानगरपालिका १६ मा रास्वपाको विजयी र्‍याली

प्रधानमन्त्री ओली आज चीनको औपचारिक भ्रमणमा जादैँ

रविको लामिछानेको बयान आज पनि जारी 

आजको मौसम, केही स्थानमा हिमपातको सम्भावना

काठमाडौको नयाँबानेश्वरमा ‘बृहत रक्तदान कार्यक्रम’ सम्पन्न

उपनिर्वाचनमा करिब ६२ प्रतिशत मतदान, आजै रातिबाट परिणाम आउने

स्थानीय तह उपनिर्वाचन शान्तिपूर्ण रुपमा सम्पन्न

सुनापाती पोलिक्लीनिकको निःशुल्क स्वास्थ्य शिविर, ४६७ जना सेवाग्राहीले लिए सेवा

चार देशका राजदूतले राष्ट्रपतिसमक्ष लिए शपथ