रास्वपाले बोलायो केन्द्रीय समिति बैठक

• कार्तिक २३, २०८१
• 0

राष्ट्रिय स्वतन्त्र पार्टी (रास्वपा) ले केन्द्रीय समिति बैठक बोलाएको छ।

शनिबार बिहान साढे ११ बजे पार्टी कार्यालय चःमतिमा केन्द्रीय समिति बैठक बोलाइएको कार्यवाहक प्रवक्ता मनिष झाले जानकारी दिए।

उनका अनुसार पाँच कार्यसूचीमा छलफल गर्न केन्द्रीय समिति बैठक बस्दैछ।

समसामयिक राजनीतिक गतिविधि, पार्टीको सांगठनिक गतिविधि, आगामी राजनीतिक सहकार्यका न्यूनतम मुद्दाहरू र सङ्घर्षको मोडालिटीबारे बैठकमा छलफल हुनेछ। त्यस्तै मंसिर १६ गते हुने स्थानीय तह उपनिर्वाचनमा पार्टी परिचालन र विविध प्रस्तावमाथि छलफल हुने झाले बताए।

सहकारी ठगी, संगठित अपराधको अभियोगमा पार्टी सभापति लामिछाने गत कात्तिक २ गतेदेखि कास्की प्रहरी हिरासतमा छन्।

उनीमाथि तेस्रोपटक अदालतबाट म्याद थप गरी प्रहरीले अनुसन्धान गरिरहेको छ।

रास्वपाले सरकारले राजनीतिक प्रतिशोध साँधेर उनको हिरासत लम्ब्याएको दाबी गरिरहेको छ।

पार्टीले विचार मिल्ने दलहरूसँग यसबारे संवाद गर्ने, धारणा बुझ्ने निर्णय पनि गरिसकेको छ। केन्द्रीय समिति बैठकले त्यसबारे थप छलफल गरेर संघर्षको कार्यक्रम तय गर्न लागेको हो।

सम्बन्धित शीर्षकहरु

सर्वोच्च अदालतको न्यायाधीशमा निरौला र पाण्डे अनुमोदित

पाथीभरामा केवलकार बनाउने विषयमा दुई पक्षबीच झडप

फैसलाको पूर्णपाठ लिखित रुपमा आएपछि आफैँ अदालतमा आउँछु : सांसद मनाङ्गे

रास्वपाले बोलायो केन्द्रीय समिति बैठक

काठमाडौंमा यसरी गरियो छठ समापन

त्रिभुवन अन्तर्राष्ट्रिय विमानस्थल आजदेखि दैनिक १० घण्टा बन्द हुने

उदाउँदो सूर्यलाई अर्घ्य दिएसँगै सकियो छठ

योग र यज्ञका माध्यमबाट नेपालले विश्वको नेतृत्व गर्न सक्छ : डा. हेगलिन

मौसम पूर्वानुमान : यी चार प्रदेशका पहाडी भू–भागमा वर्षाको सम्भावना

काठमाडौंको कमलपोखरीमा छठको उल्लास (तस्वीरहरु)