राजेन्द्र महतोको नेतृत्वमा नयाँ पार्टी घोषणा
- अशोज १, २०८१
- 0
विगत ६ महिनाअघिदेखि अभियानका रुपमा संचालन हुँदै आएको राष्ट्रिय मुक्ति क्रान्तिले आजबाट पार्टी घोषणा गरेको छ ।
राष्ट्रिय मुक्ति क्रान्तिको असोज १ गते बसेको राष्ट्रिय समितिको बैठकले नेपाल सरकारका पूर्व उपप्रधानमन्त्री राजेन्द्र महतोको अध्यक्षतामा नयाँ पार्टी ‘राष्ट्रिय मुक्ति क्रान्ति नेपाल’ नामक राजनीतिक दल गठन गर्ने निर्णय गरेको हो ।
स्वदेशवाद, बहुलराष्ट्रवाद र सामूदायिक समाजवादको मार्ग निर्देशक सिद्धान्तलाई आत्मसात् गर्दै गत फाल्गुन १४ गतेदेखि अभियानको रुपमा संचालन भइरहेको राष्ट्रिय मुक्ति क्रान्तिले आजै मात्र एक औपचारिक कार्यक्रमका बिच पार्टी घोषणा गरेको हो ।
यस अवधिमा दुई चरणको प्रचारात्मक कार्यक्रम मार्फत सम्वादात्मक कार्यक्रमदेखि सडक संघर्ष सम्मको कार्यक्रम सम्पन्न गरेको छ । प्रचारात्मक कार्यक्रम पूर्वी नेपालको पाँचथरको फिदिमदेखि वागलुङको बुर्तिवाङ र दाङको घोराहीसम्म पुरा गरिसकेको छ ।
नेपालमा एकल राष्ट्रिय राज्यको चिन्तन सोचबाट संविधान निर्माण भएको कारणले नेपाल सबै नेपालीहरुको साझा बन्न नसकेको र सबै जातजाति, भाषा, धर्म भएका मानिसहरुलाई एकजुट गराउँदै देशमा विद्यमान रहेका विभेद, असमानता, शोषण, दमन उत्पीडन, अन्याय, अत्याचार, भ्रष्टाचार, कुसंस्कार, संस्कृतिबाट देशलाई मुक्ति दिलाई देशका सबै पहिचान, वर्ग, समुदाय, धर्म र लिंगका जनतालाई अधिकार, पहिचान, स्वाभिमान, शुशासन, समृद्धि, सामाजिक न्याय तथा सभ्यता र संस्कृतिको रक्षाको निमित्त हिमाल, पहाड, तराई मधेशका जनता एक्यवद्ध गराउँने प्रमुख पार्टीको एजेन्डा हुने अध्यक्ष महतोले जानकारी दिए ।
पार्टी घोषणा कार्यक्रममा बोल्दै अध्यक्ष महतोले राष्ट्रिय मुक्ति क्रान्तिले उठाएका माग र मुद्धालाई सरकारले पुरा नगरे आगामी मंसिरदेखि ससक्त रुपमा शान्तिपुर्ण विद्रोहमा प्रवेश गर्ने समेत चेतावनी दिए ।
0 प्रतिक्रिया
टुँडिखेलमा यसरी मनाइयो संविधान दिवस (फोटोफिचर)
टुँडिखेलमा विशेष समारोह गरी संविधान दिवस मनाइएको छ। बिहीबार बिहान सैनिक मञ्चमा सरकारले विशेष समारोह गरी संविधान दिवस मनाएको हो। […]
संवैधानिक स्वतन्त्रताको उपभोग गरेर भविष्य सुरक्षित गर्नुपर्छ : प्रधानमन्त्री ओली
प्रधानमन्त्री केपी शर्मा ओलीले संविधानले दिएको स्वतन्त्रताको उपभोग गरेर भविष्य सुरक्षित गर्नुपर्ने बताएका छन । संविधान दिवसका अवसरमा आज सामाजिक […]
सर्वसाधारणका लागि खुल्यो धरहरा
नौ वर्षपछि सर्वसाधारणका लागि धरहरा खुलेको छ । २०७२ बैशाख १२ गते गएको विनाशकारी भूकम्पमा ढलेको भिमसेन स्तम्भको छेउमै धरहरा […]
संविधानले विभेद र उत्पीडन अन्त्य गरी एकताको सूत्रमा आवद्ध गरेको छ : राष्ट्रपति
राष्ट्रपति रामचन्द्र पौडेलले संविधानले केन्द्रीकृत र एकात्मक राज्य व्यवस्थाद्वारा सिर्जित सबै प्रकारका विभेद र उत्पीडनको अन्त्य गर्दै जातीय, भाषिक, धार्मिक, […]
संविधानलाई थप परिस्कृत बनाउँदै जनताको अवस्था बदल्न लाग्नुपर्छ : प्रचण्ड
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले संविधानले नेपालका उत्पीडित वर्ग, जाति, क्षेत्र, लिङ्ग, समुदायलाई अधिकार सम्पन्न बनाएको बताएका छन् […]
