हज यात्रा जानेहरुका लागि सरकारले विशेष सुविधा उपलब्ध गराउने

• भदौ २७, २०८१
• 0

नेपाल हज समितिका अध्यक्ष इश्रा मुल्ला मियाँले हज(तिर्थाटन) यात्रामा जानेहरुका लागि सहजीकरण गरिरहेको जनाएका छन् । यात्रा गर्ने सबैका लागि ओहोर दोहोर प्लेनको सुविधा हुने बताएका छन् ।

बिहीबार काठमाडौंमा पत्रकार सम्मेलन गर्दै अध्यक्ष मियाँले होटेलदेखी मक्का मस्जिदसम्म गाडीको व्यवस्था समेत गरिने बताएका हुन् ।

उनले भने, ‘हज यात्रा गर्ने यात्रुका लागि हामीले होटलको व्यवस्था गर्छौं । आउन जान प्लेनको सुविधा दिलाउछौं । खानबस्नका सुविधा भइहाल्छ, होटेलदेखि मक्का भन्ने मस्जिदसम्म गाडिको व्यवस्था हुन्छ । डाक्टरको आवश्यक्ता परे डाक्टर पनि उपलब्ध गर्नेछौं । ’

साथै नेपाल हज समितिले साउदी अरव सरकारको निर्णय अनुसार यस वर्षको हज यात्राका लागि खुला प्रतिस्पर्धा हुने जनाएको छ । अहिलेसम्म हज यात्राका लागि कति जना पठाउने भन्ने निर्णय नभएको हज समितिले जनाएको छ ।

हज समितिले सन् २०२५(हज १४४६)का लागि नेपालबाट १२ सय जनाको कोटा साउदी अरब सरकारले निर्धारण गरिसकेको जनाएको छ । यात्रा शुल्कका लागि पहिलो किस्ता स्वरुप प्रतिव्यक्ति ५० हजार रुपैंयाँ जम्मा गर्न समितिले सूचनामार्फत यसअघि नै जानकारी गराइसकेको छ ।

गृह मन्त्रालय अन्तर्गतको समितिले हज यात्रा गर्न चाहने इस्लाम धर्मावलम्वीहरूका लागि बर्षेनी आवेदन माग्ने गरेको छ ।

सम्बन्धित शीर्षकहरु

सातै प्रदेशमा क्यान्सर उपचार सेवा विस्तार

राजेन्द्र महतोको नेतृत्वमा नयाँ पार्टी घोषणा

राष्ट्रपति पौडेलबाट इन्द्रजात्रा अवलोकन

‘प्रदेश संरचना कुनैपनि हालतमा हट्दैन, थप उत्तरदायी बनाउँछौं’ : देउवा

सहकारी ठगीमा रवि लामिछानेको संलग्नताबारे कानुन व्यवसायी विभाजित

संस्कृती, पर्यटन र हवाइ नीतिमा सामूहिक परिवर्तन हुन्छ : मन्त्री पाण्डे

बसन्तपुरमा इन्द्रजात्राको उल्लास (फोटो फिचर)

संचारमाध्यमलाई रवि लामिछानेको कटाक्ष : मलाई नंग्याउने निउँमा आफूलाई नाङ्गो नपार्नुहोस

नदीमा बहाव बढ्दो, नदी तटीय क्षेत्रमा सतर्कता अपनाउन आग्रह

रास्वपाको राष्ट्रिय भेला आजदेखि सुरु, यस्ता छन् छलफलका एजेन्डा