उड्डयन क्षेत्र बलियो र विश्वसनीय भए मात्र पर्यटनको विकास हुन्छ : मन्त्री पाण्डे

• भदौ १७, २०८१
• 0

संस्कृति, पर्यटन तथा नागरिक उड्डयनमन्त्री बद्री पाण्डेले, नागरिक उड्डयनको क्षेत्र बलियो र विश्वसनीय भए मात्र पर्यटन क्षेत्रको अभिवृद्धि र गुणात्मक विकास गर्न सकिने बताएका छन् ।

सोमबार काठमाडौंमा आयोजित ट्रेकिङ एजेन्सिज एसोसिएसन अफ नेपाल (टान)को ४६ औं वार्षिकोत्सव सामारोह एवम साधारणसभालाई सम्बोधन गर्दै उनले संस्कृति र प्रकृतिको महत्वलाई सँगसँगै एकीकृत ढंगले व्याख्या गर्नसक्यो भने मात्र देश विदेशमा पर्यटन प्रवद्र्धन सम्भव रहेको बताए ।

उनले भने,‘संस्कृति र प्रकृतिको महत्वलाई सँगसँगै एकीकृत ढंगले व्याख्या गर्न सक्यौं भने वा परिभाषित गर्न सक्यौ भने वा बुझ्न बुझाउन सक्यौं भने मात्र देश विदेशमा पर्यटन प्रवद्र्धन सम्भव छ । नागरिक उड्डयन क्षेत्र बलियो, विश्वसनीय र सुनिश्चितता हुनुपर्छ । किनकी पर्यटनका निम्ति आउने मान्छे कम समय, लागतमा बढि भन्दा बढि परिस्कृत र संस्कृतिको लाभ लिन चाहन्छन् । त्यसैले सस्कृति पर्यटनलाई अभिवृद्धि र गुणात्मक विकास गर्नका लागि नागरिक उड्डयनको क्षेत्र सबैभन्दा बलियो हुनुपर्छ ।’

मन्त्री पाण्डेले संस्कृति, पर्यटन तथा नागरिक उड्डयन मन्त्रालय केवल सरकारको मन्त्रालय मात्र नभइ निजी क्षेत्रको पनि भएको बताए । पर्यटन मन्त्रालयको भूमिका, कार्यक्षत्रको दृष्टिकोणले सरकारले मात्र मन्त्रालय चलाउन असम्भव रहेको भन्दै निजी क्षेत्रले अग्रसरताकासाथ मन्त्रालय मेरो पनि हो भन्ने भावना नराख्ने हो भने चल्न नसक्ने उनको भनाई छ ।

उनले भने,‘संस्कृति, पर्यटन तथा नागरिक उड्डयन मन्त्रालय केवल सरकारको मन्त्रालय होइन । निजी क्षेत्रको पनि मन्त्रालय हो । किनकी यसको भूमिका,कार्यक्षत्रको दृष्टिकोणले सरकारले मात्र मन्त्रालय चलाउँछु भनेर सोच्यो भने असम्भव छ । निजी क्षेत्रले बढी अग्रसरताकासाथ मन्त्रालय मेरो पनि हो भन्ने भावना नराख्ने हो भने हाम्रो मन्त्रालय चल्दैन् । र पर्यटन क्षेत्रको विकास हुँदैन् ।’

पाण्डेले पर्यटनसँग असहज भएका सबै ऐन, कानून, नीति नियम संशोधन गरिने बताए । यसका लागि पर्यटन मन्त्रालयले आवश्य कार्य प्रक्रिया अगाडि बढाइसकेको जानकारी गराए ।

टानको ४६ वार्षिकोत्सवसँगै सोमबार आगामी दुई वर्षको लागि नयाँ कार्यसमितिसमेत चयन हुँदै छ । पर्यटन व्यवसायी राजेन्द्रप्रसाद सापकोटा र सागर पाण्डेले समूह बनाएर नै चुनावी प्रतिस्पर्धामा छन् ।

सम्बन्धित शीर्षकहरु

सुरक्षा निकाय सरकारको भरोसाको केन्द्र हो : गृहमन्त्री लेखक

डेडिकेटेड ट्रंक लाइनको वक्यौता उठाउन माग गर्दै सर्वोच्चमा मुद्दा

प्रस्तावित राजदूतबारे निर्णय गर्न बस्ने भनिएको संसदीय सुनुवाइ समितिको बैठक स्थगित

राष्ट्रपति समक्ष अख्तियारले बुझायो वार्षिक प्रतिवेदन

संसद्को गतिरोध हटाउन सभामुख, प्रमुख सचेतक र सचेतकहरुको बैठक सुरू

गिरीबन्धुकै मुद्दा उठाउदा सत्ताबाट हट्नुपर्यो : प्रचण्ड

आजदेखि इन्द्रजात्रा शुरु

राष्ट्रियसभाको आजको बैठकमा अर्थमन्त्रीले जवाफ दिने

प्रतिनिधि सभा बैठक बस्दै, यस्ता छन् सम्भावित कार्यसूची

मौसम पूर्वानुमान : यी तीन प्रदेशमा हुनेछ मुसलधारे वर्षा