बालुवाटार पुगेका रास्वपाका मन्त्रीहरु राजीनामा नदिई फर्किए

• असार २०, २०८१
• 0

राष्ट्रिय स्वतन्त्र पार्टी (रास्वपा)का मन्त्रीहरुले तत्काल राजीनामा नदिने भएका छन् ।

राजीनामा बोकेर बालुवाटार पुगेका रास्वपाका मन्त्रीहरुले प्रधानमन्त्रीसँगको छलफल पछि राजीनामा नदिई फर्किएका छन् । प्रधानमन्त्रीसँगको भेटपछि पत्रकारसँग कुरा गर्दै रास्वपाका प्रमुख सचेतक सन्तोष परियारले प्रधानमन्त्रीले संसद सामना गर्ने आफ्नो संवैधानिक अधिकार रहेकाले त्यतिबेलासम्म साथ दिन आग्रह गरेकोले राजीनामा नबुझाएको बताए ।

उनले प्रधानमन्त्रीले आफ्नो संवैधानिक अधिकार प्रयोग गर्छु भन्दा त्यतिन्जेलसम्म आफूहरु त्यतिबेलासम्म पर्खिन तयार भएको बताए । परियारले प्रधानमन्त्रीलाई छिटो विश्वासको मत लिन आग्रह गरेको आफूहरुले बताएको जानकारी दिए ।

प्रचण्ड नेतृत्वको सरकारमा उपप्रधान तथा गृहमन्त्री रवि लामिछानेसहित शिक्षामन्त्री सुमन श्रेष्ठ, श्रममन्त्री डिपी अर्याल र खेलकुदमन्त्री विराजभक्त श्रेष्ठ रहेका छन ।

यसअघि बुधबार साँझ एमालेले सरकारलाई दिएको समर्थन फिर्ता लिँदै मन्त्रीहरुले राजीनामा बुझाइसकेका छन् । एमालेले सरकारलाई दिएको समर्थन फिर्ता लिएसँगै सरकार अल्पमतमा परेको छ ।

सम्बन्धित शीर्षकहरु

देशभर मनसुनी वर्षा : पहाडमा पहिरो र तराईमा बाढीको जोखिम

जलमग्न काठमाडौं उपत्यका (फोटो फिचर)

मधेश प्रदेशका मुख्यमन्त्री सतिश सिंहले पाए दोस्रो पटक विश्वासको मत

अविरल वर्षाले देशका विभिन्न राजमार्ग अवरुद्ध, यात्रुलाई सास्ती

सिन्धुपाल्चोकमा ढलान भत्किँदा पुरिएका दुईजनाको शव फेला

पहिरोले बीपी राजमार्ग अवरुद्ध

कांग्रेस संसदीय दलको बैठक बस्दै

आज अन्तर्राष्ट्रिय सहकारी दिवस मनाइँदै

देशभर मनसुनी वर्षा : आवश्यक सतर्कता अपनाउन अनुरोध

छानविन समितिलाई प्रहरीले उपलब्ध गरायो सहकारीको उजुरी संख्या