‘स्वदेशमै मतदानको राम्रो व्यवस्था नगर्नेले विदेशमा रहेकालाई कसरी गर्लान ?’

• असार १४, २०८१
• 0

काठमाडौं । निर्वाचन आयोगको प्रमुख आयुक्त दिनेशकुमार थपलियाले मतदानको व्यवस्था देशमै राम्रो नगर्नेले विदेशमा रहेकालाई मताधिकार दिन्छु भन्नु सान्दर्भिक नहुने बताएका छन् ।

शुक्रबार काठमाडौंमा आयोजित निर्वाचनमा आन्तरिक र बाह्य आप्रवासनको प्रभाव विषयक कार्यक्रममा उनले संविधानले प्रदान गरेको मतदान अधिकारलाई संविधानले सुनिश्चित गर्ने र त्यही अन्तर्गत बनेको कानूनले त्यसलाई ग्यारेन्टी नगर्ने व्यवस्थाबाट निकास निकाल्न नसकिने बताए ।

उनले भने,‘देश भित्र अथवा बाहिर रहेका कुनैपनि नागरिकको अन्तिम मतदाता नामावलीमा नाम छ । उसले आफ्नो वडामा गएर मत हाल्न सक्छ । एउटा गाउँपालिकामा जन्मिएर वाध्यतावस कुनै पेसा व्यवसाय वा रोजगारीका कारण अर्को ठाउँमा गएकालाई कसरी मतदानको व्यवस्था मिलाउन सक्छौं भन्ने कुरा प्राथमिकतामा छ । तर मतदानको व्यवस्था मिलाउन नसक्नेले संसारको जुनसुकै कुनामा भएका मानिसलाई पनि मताधिकार दिन्छु भनेर गुड्डी हाँक्दै हिड्नु कत्तिको सान्दर्भिक होला ?,’ उनको प्रश्न थियो ।

त्यस्तै उनले संविधानले प्रदान गरेको मतदान अधिकारलाई सुनिश्चित गर्ने त्यही अन्तर्गत बनेको कानूनले त्यसलाई ग्यारेन्टी नगर्ने व्यवस्थाको निकास के हुने भन्ने पनि प्रश्न गरे ।

उनले विदेशमा रहेका नेपाली मतदातालाई निर्वाचन प्रक्रियामा मताधिकार दिने विषयमा राजनीतिक दलहरुसँग छलफल भइरहेको भन्दै अहिले अधिकार दिइहाल्यो भने प्रतिनिधिसभाको समानुपातिकमा मात्र दिन सकिन्छ भन्ने निष्कर्षमा रहेको जानकारी दिए ।

सम्बन्धित शीर्षकहरु

भिजिबिलिटी कमजोर हुँदा हवाई उडान प्रभावित

रवि लामिछानेलाई बुटवल लाने तयारी

मुस्ताङमा साढे ८ लाख रुपैयाँसहित १२ जुवाडे पक्राउ

आज पनि तिहारको बिदा , सरकारी कार्यालय मंगलबार मात्रै खुल्ने

तिहार सकिएलगत्तै राजधानीलगायत तराइका जिल्लामा छठको तयारी सुरु, नदी किनार सिंगारिँदै

मौसम पूर्वानुमान : देशका उच्च पहाडी तथा हिमाली भू–भागमा वर्षा र हिमपातको सम्भावना

राष्ट्रपति पौडेल र प्रधानमन्त्री ओलीले बहिनीहरुबाट लगाए भाइटीका

तिहार नेपालीहरूको महिमापूर्ण पर्व हो : प्रधानमन्त्री

भाईटीकाको दिनमा मात्र खुल्ने रानीपोखरीस्थित बालगोपालेश्वर मन्दिरमा भाईटीका सुरु (तस्बिरहरु)

उपप्रधानमन्त्री प्रकाशमान सिंह इजिप्ट प्रस्थान