धरानमा २४ घण्टे निषेधाज्ञा जारी, सबै कार्यक्रम गर्न निषेध

• भदौ ८, २०८०
• 0

सुनसरीको धरान उपमहानगरपालिकामा २४ घण्टे निषेधाज्ञा जारी गरिएको छ ।

शुक्रबार जिल्ला प्रशासन कार्यालय सुनसरीले सूचना जारी गर्दै धरान उपमहानगरपालिकामा धार्मिक साम्प्रदायिक साथै जनस्वास्थ्य संकट तथा शान्ति सुरक्षाको संवेदनशीलतालाई समेत मध्यनजर गरी भदौ ८ गते राति १२ बजेदेखि भोलिपल्ट ९ गते राति १२ बजेसम्म निषेधाज्ञा जारी गरिएको प्रमुख जिल्ला अधिकारी हुकमला पाण्डेद्वारा हस्ताक्षरित विज्ञप्तिमा जनाइएको छ ।

धरान प्रवेश गर्ने पश्चिम बाटो बराहक्षेत्र नगरपालिका १ मा पर्ने झण्डा चोकदेखि धरानतर्फको क्षेत्र, पश्चिम दक्षिण रामधुनी नगर ६ बाट बराहक्षेत्र ३ नडाहा चोकदेखि धरानतर्फ, इटहरी उपमहानर २० तरहरा पानीपियादेखि उत्तर धरानतर्फ, धरान ५ प्रवेश गर्ने पूर्वी केराबारीबाट धरानतर्फ र धनकुटाको साँगुरीगढी गाउँपालिका ६ भेडेटारबाट धरानतर्फको क्षेत्रमा निषेधाज्ञा जारी गरिएको छ ।

साउन २६ गते बसेको जिल्ला विपद व्यवस्थापन समितिको बैठकले धरान उपमहानगरमा डेंगी संक्रमण नियन्त्रणमा नआउञ्जेल जनस्वास्थ्य आपतकालीन अवस्था क्षेत्र घोषणा गर्ने गरी सम्बन्धित निकायमा सिफारिस गरेको थियो ।

१२ स्थानीय तहहरुमा डेंगी रोगका संक्रमण व्यापक फैलिई १६ हजार भन्दा बढीमा संक्रमण देखिएको भन्दै निषेधाज्ञा जारी गरेको हो ।

तथापी गोवध गरिएको भन्दै भोलि भदौ ९ गते धरानमा देशभरिबाट सनातनी हिन्दूले धरानमा विरोधसभा गर्ने गरी कार्यक्रम तय भएपछि सुनसरी प्रशासनले निषेधाज्ञा जारी गरेको अनुमान गरिएको छ ।

सम्बन्धित शीर्षकहरु

उपनिर्वाचनका लागि आचारसंहिता तयार, कसलाई लागू हुन्छ ?

बुद्ध धर्मलाई राजनीतिक हिसाबले दुरुपयोग गरियो : प्रधानमन्त्री

भ्रष्टाचारको विरोध गर्नेहरुलाई सरकारले दबाउन खोजेको छ : प्रचण्ड

नीजि क्षेत्रसँग मिलेर काम नगरे अर्थतन्त्रमा सुधार आउँदैन : मन्त्री सिंह

एमाले इलामको अध्यक्षमा बराल निर्वाचित

आज राष्ट्रिय कर दिवस, यी हुन् सरकारलाई सबैभन्दा धेरै कर तिर्ने १६ करदाता

पनौतीको त्रिवेणी घाटमा रहेको ब्रमायणी र इन्द्रेश्वर महादेव मन्दिर (तस्वीरहरू)

मौसम पूर्वानुमान : पहाडी भू–भागका एक-दुई स्थानमा वर्षाको सम्भावना

निर्वाचन आयोगको प्रवक्तामा अर्याल

सक्षम र पारदर्शी प्रशासन सरकारको उच्च प्राथमिकतामा : प्रधानमन्त्री ओली