प्रधानमन्त्री प्रचण्डले उद्‍घाटन गरे पोखरा अन्तर्राष्ट्रिय विमानस्थल

• पुस १७, २०७९
• 0

पोखरा अन्तर्राष्ट्रिय विमानस्थल आजदेखि सञ्चालनमा आएको छ। अंग्रेजी नयाँ वर्ष सन् २०२३ को अवसर पारेर प्रधानमन्त्री पुष्पकमल दाहाल प्रचण्डले उद्घाटन गरेका हुन्।

पहिलो पटक पोखरा अन्तर्राष्ट्रिय विमानस्थलमा अवतरण भएको बुद्ध एयरको जहाजलाई पानीको फोहोराले स्वागत गरेको थियो।

जहाजबाट आएका प्रधानमन्त्री प्रचण्डलगायतलाई रातो कार्पेट विच्छाएर फूलमाला र पञ्चकन्याले स्वागत गरेका थिए।

अन्तर्राष्ट्रिय उडानको प्रक्रिया पूरा भइनसकेकोले आइतबार आन्तरिक उडान मात्र हुने पोखरा अन्तर्राष्ट्रिय विमानस्थल स्रोतले जानकारी दिएको छ।

चीनको एक्जिम बैंकको २२ अर्ब सहुलियतपूर्ण ऋण तथा अनुदान सहयोगमा विमानस्थल बनाइएको थियो।

पोखरास्थित पुरानो विमानस्थलमा पनि उडान रोकिने छैन। ठूला जहाज पोखरा अन्तर्राष्ट्रिय विमानस्थलमा अवतरण गरे पनि साना जहाज पुरानो विमानस्थलमा अवतरण गर्न पाउँछन्।

मुस्ताङको जोमसोम र मनाङको हुम्देमा पुरानो विमानस्थलबाटै उडान हुनेछ भने हेलिकप्टर पनि पुरानो विमानस्थलबाटै उडान तथा अवतरण गर्ने बताइएको छ।

सम्बन्धित शीर्षकहरु

पूर्वजहरु हरेक कुरामा अगाडि भएकाले विकासका कुरा चाँडो सिक्न सक्छौं : प्रधानमन्त्री

रास्वपाले चितवनबाट सुरू गर्‍यो ‘जनयात्रा’

यस्ता छन् नेपाल र थाइल्याण्ड सरकारबीच भएका सम्झौताहरु

बार एशोसिएशनको केन्द्रीय कार्यसमितिका लागि मतदात सुरु

रवि लामिछानेलाई भैरहवा पुर्‍याइयो, सोमबारसम्म प्रहरी हिरासतमै रहने

प्रधानमन्त्री ओली बैंककबाट स्वदेश प्रस्थान

तस्वीरमा हेरौँ सेतो मच्छिन्द्रनाथ रथयात्राको तयारी

लामिछानेको घरभित्रै छिरेर पूर्जी लेखिएको भन्दै रास्वपाद्वारा भर्त्सना

यस्तो छ आजको मौसम

रवि लामिछाने पक्राउ, भोलि भैरहवा लैजाने तयारी