महाभियोग सिफारिस समितिले बयानका लागि बोलायो जबरालाई

भदौ ८, २०७९
0

महाभियोग लागेका प्रधानन्यायाधीश चोलेन्द्रशम्शेर जबरालाई प्रतिनिधिसभाको महाभियोग सिफारिस समितिले बयानका लागि भदौ १५ गते बोलाउने निर्णय गरेको छ ।

समितिको बुधवार बसेको बैठकले जबरालाई १५ गते बिहान ११ बजे बोलाउने निर्णय गरेको हो । बैठकले भदौ २० गतेभित्र छानबिन सक्ने गरी कार्यतालिका बनाउँदै जबरालाई महाअभियोगबारे आफ्ना कुरा राख्न १५ गते बोलाउने निर्णय गरेको हो ।

समितिका जेष्ठ सदस्य रामबहादुर विष्टले जबरालाई १५ गते बोलाउने निर्णय भएको जानकारी दिए । समितिले आफ्नो आन्तरिक कार्यविधि र कार्यतालिका पनि पारित गरेको छ । भदौ ९ देखि १२ गतेसम्म जबराविरुद्धको प्रमाण संकलन गर्ने र त्यसमाथि अध्ययन गर्ने आन्तरिक कार्यविधिमा उल्लेख छ ।

गत फागुन १ गते सत्ता सत्ता गठबन्धनका ९७ जना सांसदले जबराविरुद्ध २१ बुँदे आरोप लगाउँदै महाअभियोग दर्ता गरेका थिए ।

सम्बन्धित शीर्षकहरु