स्वास्थ्य तथा जनसंख्या मन्त्रालयले कोभिड–१९ को ओमिक्रोन भेरियन्ट सम्बन्धी थप सतर्कता अपनाउन अनुरोध गरेको छ।
मन्त्रालयको स्वास्थ्य सेवा विभागले स्थानीय तह, स्वास्थ्य कार्यालय र निर्देशनालयहरूलाई पत्र लेख्दै सतर्कता अपनाउन अनुरोध गरेको हो।
थप संक्रामक भेरियन्ट ओमिक्रोन नेपालमा समेत भित्रिनुले सबै निकाय अझ सतर्क र पूर्वतयारीका साथ रहनु अपरिहार्य देखिने परिपत्रमा उल्लेख छ।
विभागले जनस्वास्थ्यको मापदण्ड (एसएमएस)को पूर्ण रूपमा पालना गर्न, भीडभाड नगर्न, मास्कको प्रयोग गर्न तथा हात धुन अनुरोध गरेको छ।
