बजेट पारित गर्न सहमति नजुटेपछि लुम्बिनी प्रदेशको चालू अधिवेशन अन्त्य, अध्यादेशबाट ल्याइयो बजेट

• साउन १, २०७८
• 0

लुम्बिनी प्रदेश सरकारले चालू अधिवेशन अन्त्य गरेको छ । प्रदेशसभामा पेश गरेको बजेट पारित गर्ने विषयमा सहमति नजुटेपछि सरकारले प्रदेशसभाको चालु अधिवेशन अन्त्य गरेको हो ।

प्रदेश सरकारको सिफारिसमा प्रदेश प्रमुख धर्मनाथ प्रसाद यादवले हिजो राती १२ बजे देखि प्रदेशसभाको चालु आठौं अधिवेशन अन्त्य भएको सूचना जारी गर्नुभएको छ ।

प्रदेश प्रमुखको कार्यालयका प्रवक्ता चिरन्जीवी पौडेलद्धारा जारी बिज्ञप्तीमा नेपालको संबिधानको धारा १८३ को उपधारा २ बमोजिम गएराती १२ बजे देखि अधिवेशन अन्त्य भएको उल्लेख छ ।

यसअघि हिजो आर्थिक बर्ष २०७८/०७९ को बजेट पारित गर्न निर्णायार्थ पेश गर्नु पुर्व सत्तापक्षका सांसदहरुले हिजोको सदन बहिस्कार गरेका थिए ।

प्रतिपक्षले बजेट पास हुन नदिने रणनीती अख्तियार गरेपछि सत्तापक्षले बजेट पारित गर्ने सहमति भए मात्र सदन चल्न दिने अडान राखेको थियो ।

सभामुख पुर्णबहादुर घर्ती समेत बजेट पास हुन नदिने खेलमा लागेकोले बाध्य भएर संसद अधिवेशन अन्त्य गर्नु परेको सत्तारुढ एमालेले बताएको छ । बिपक्षी दलले भने बिरोध जनाएका छन् ।

अध्यादेशबाट ल्याइयो बजेट

यसबीच प्रदेश सभाबाट बजेट पास गर्न नसकेपछि मध्यरातमा अधिवेशन अन्त्य गराएको लुम्बिनी प्रदेश सरकारले अध्यादेशबाट बजेट ल्याएको छ ।

शुक्रबार बिहान बसेको मन्त्रिपरिषद बैठकले अध्यादेशबाट बजेट ल्याउने निर्णय गरेको सरकारका प्रवक्ता तथा आर्थिक मामिला तथा योजनामन्त्री बैजनाथ चौधरीले बताए ।

प्रदेश सरकारको आज बिहान बसेको मन्त्रिपरिषदले गरेको सिफारिसका आधारमा प्रदेश प्रमुख धर्मनाथ यादवले अर्थ र विनियोजन अध्यादेश जारी गरेका हुन् ।

यसबारे आज दिउँसो पत्रकार सम्मेलन गरेर जानकारी दिइने पनि उनले बताए ।

सम्बन्धित शीर्षकहरु

स्वर्णलक्ष्मी सहकारी ठगी प्रकरण : रवि लामिछानेसहित ३९ जनाविरुद्ध काठमाडौंमा मुद्दा दर्ता

एमाले केन्द्रीय समिति बैठक : ओलीले पेश गरे ४७ पृष्ठ लामो राजनीतिक प्रतिवेदन (पूर्णपाठसहित)

भक्तपुर क्यान्सर अस्पताल सरकारलाई हस्तान्तरण

उर्जा क्षेत्रमा प्राविधिक जनशक्तिको ठूलो अभाव छ : मन्त्री खड्का

दीपक मनाङेको मुद्दामा पूर्णपाठ सार्वजनिक (पूर्णपाठसहित)

एमाले केन्द्रीय कमिटीको बैठक सुरु, ओलीको प्रतिवेदनमाथि छलफल हुँदै

रास्वपाले गठन गर्‍यो ‘संविधान परिमार्जन सुझाव कार्यदल’

सूर्यदर्शन सहकारी ठगी प्रकरण : प्रतिवादीतर्फका कानुन व्यवसायीको बहस जारी

सर्बेन्द्र खनालले एकाबिहानै गरे ‘एमाले’ छाडेको घोषणा

हेटौँडा उपमहानगरपालिकामा बाघको बढ्दो आतंक