गण्डकी प्रदेशको मुख्यमन्त्रीमा गुरुङको पनि दाबी
- जेष्ठ २९, २०७८
- 0
गण्डकी प्रदेशको मुख्यमन्त्रीमा पृथ्वीसुब्बा गुरुङले पनि दाबी पेश गरेका छन ।
गुरुङले राष्ट्रिय जनमोर्चा र जनता समाजवादी पार्टीको समर्थन पत्रसहित फेरि मुख्यमन्त्रीमा दावी गरेको मुख्यमन्त्री गुरुङका प्रेस संयोजक विक्रम न्यौपानेले बताए ।
गुरुङले जनमोर्चा सांसद कृष्ण थापाको पत्र र जसपा प्रदेश कमिटीको पत्रसहित दावी गरेका हुन ।
यसअघि शुक्रबार विपक्षी गठबन्धनको तर्फबाट नेपाली कांग्रेस संसदीय दलका नेता कृष्णचन्द्र नेपाली पोखरेलले ३१ प्रदेशसभा सदस्यको उपस्थितिमा मुख्यमन्त्रीमा दाबी पेश गरेका थिए ।
दुई दिन अघि विश्वासको मत प्राप्त गर्न नसकेर पदमुक्त भएका गुरुङले पुन : मुख्यमन्त्रीमा दाबी गरेका हुन । मुख्यमन्त्री पदको दाबीका लागि आज ३ बजेसम्मका लागि समय दिइएको थियो ।