निषेधाज्ञामा उपत्यकाबाहिर जाने यात्रु ठग्ने विरुद्ध ट्राफिक प्रहरीको एक्शन, थप ३ जना पक्राउ

• बैशाख २४, २०७८
• 0

निषेधाज्ञामा उपत्यकाबाहिर जाने यात्रुसँग बढी भाडा लिई ठगी गरेको आरोपमा महानगरीय ट्राफिक प्रहरी महाशाखाले थप तीन जनालाई पक्राउ गरेको जानकारी दिएको छ ।

पछिल्लो पटक यसरी ठगि गरिरहेको अवस्थामा कोटेश्वरबाट धनुषा मिथिलाका ४३ वर्षीय कृष्ण देवकोटा, झापा गौरदहका ४२ वर्षीय खड्गबहादुर भण्डारी र गौशालाबाट दोलखाको सिंगटी घर भई भक्तपुर बस्ने ३४ वर्षीय राम सुरेललाई पक्राउ गरिएको महाशाखा प्रमुख एसएसपी जनक भट्टराईले जानकारी दिएका छन् ।

उनीहरुले उपत्यकामा जारी भएको निषेधाज्ञाको समयमा बैदेशिक रोजगारबाट आई घर फर्किने र अत्याबश्यक परि उपत्यका बाहिर झापा, मोरङ जाने यात्रुहरुसँग जनही ३ हजार रुपैयाँदेखि ४ हजार ५०० रुपैयाँसम्म भाडा लिएको सुचना पाएपछि महाशाखाबाट सादा पोशाकमा खटिएको टोलीले पक्राउ गरेको एसएसपी भट्टराईले जानकारी दिए ।

यसरी महामारीका बेला सार्वजनिक सवारी सञ्चालनमा पूर्ण रोक लगाएको भए पनि विभिन्न समस्यामा परेका र विदेशबाट आएकाहरुलाई लग्ने बहानामा बढी भाडा लिई ठगी गर्ने ६ जनालाई यसअघि नै पक्राउ गरी आवश्यक कारबाहीका लागी हिजो प्रहरी प्रभाग गोंगबु र कलंकीमा बुझाएको समेत महाशाखाले जनाएको छ ।

बढी भाडा लिएमा वा सार्बजनिक यातायात सम्बन्धी कुनै गुनासो भएमा प्रहरीको हटलाइन १०० वा ट्राफिक कन्ट्रोल १०३ मा सम्पर्क गर्नसमेत महाशाखाले अनुरोध गरेको छ ।

सम्बन्धित शीर्षकहरु

शेखर कोइरालाको प्रश्न– डढेलोको क्षति बढेको बढ्यै छ, सरकार किन यति असंवेदनशील ?

जनता समाजवादी पार्टीको कार्यकारिणी समिति बैठक बस्दै

नियमभन्दा बाहिर व्यक्तिगत सुरक्षामा खटिएका सुरक्षाकर्मी फिर्ता बोलाउन गृहमन्त्रीको निर्देशन

कक्षा–१२ को परीक्षा आजदेखि सुरु, देशभर ३ लाख ९० हजार परीक्षार्थी

आज पनि मेघगर्जन र चट्याङसहित वर्षा र हावाहुरीको सम्भावना

पूर्वमन्त्री अफताब आलमसहित चार जनालाई जन्मकैदको फैसला

नक्कली शरणार्थी प्रकरणमा टोपबहादुर रायमाझीसहित ७ जनालाई थुनामै राख्न आदेश

विद्यमान कानुनबाट सहकारी समस्या समाधान नहुने निष्कर्ष, कानुन संशोधनसहित फास्ट ट्रयाकमा जाने

कर्णालीका मुख्यमन्त्री कँडेलले पाए विश्वासको मत

इलाम २ मा उपनिर्वाचनका दिन यातायात बन्द, अन्य तयारी धमाधम