काठमाडौ उपत्यकामा २५४ सहित देशभर थप ५१७ जनामा कोरोना संक्रमण पुष्टि
- बैशाख १, २०७८
- 0
पछिल्लो २४ घण्टामा काठमाडौ उपत्यकामा २५४ सहित देशभर थप ६०३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । योसँगै संक्रमितको कूल संख्या २ लाख ८१ हजार ५८७ जना पुगेको छ ।
काठमाडौं उपत्यकामा २५४ मा संक्रमण पुष्टि भएको छ । भक्तपुरमा २०, ललितपुरमा ६१ र काठमाडौंमा १७३ जनामा कोरोना संक्रमण पुष्टि भएको हो ।
यस्तै पछिल्लो चौबीस घण्टामा १२९ जना सङ्क्रमणमुक्त भएका छन । योसँगै निको हुनेको कुल संख्या २ लाख ७४ हजार ४४७ जना पुगेका छन । हालसम्म कोरोना संक्रमण मुक्त हुनेका दर ९७.५ प्रतिशत पुगेको छ ।
हाल चार हजार ५६ जनामा भाइरसको सङ्क्रमण सक्रिय रहेकोमा ७९ जना क्वारेन्टिनमा र चार हजार ५६ जना आइसोलेशनमा रहेको मन्त्रालयद्धारा आयोजित पत्रकार सम्मेलनमा प्रवक्ता जागेश्वर गौतमले जानकारी दिएका छन । प्रवक्ता डा गौतमका अनुसार हाल ८० जना सङ्क्रमित सघन उपचार कक्षमा र २५ जना भेन्टिलेटरमा रहेका छन् ।