उपत्यकामै कोरोना संक्रमितको संख्या अत्याधिक, काठमाडौंमा मात्रै १० हजार बढी संक्रमित
- भदौ ३०, २०७७
- 0
काठमाडौं उपत्यकामा मात्र हालसम्म कोभिड १९ सङ्क्रमितको सङख्या १२ हजार नाघेको छ ।
स्वास्थ्य तथा जनसंख्या मन्त्रालयका सहप्रवक्ता डा समिरकुमार अधिकारीले काठमाडौ उपत्यकामा हालसम्म १२ हजार २४८ जनामा सङ्क्रमण देखिएको जानकारी दिनुभयो ।
उपत्यकाको पनि देशभरमै सवैभन्दा बढी संक्रमित काठमाण्डौ जिल्लामा रहेका छन् । काठमाण्डौमा देशभरका सम्पूर्ण संक्रमितको करिव १८ प्रतिशत अर्थात १० हजार बढी रहेका छन् ।
यसैगरी ललितपुरमा हालसम्म संक्रमितको संख्या करिव १२ सय र भक्तपुरमा एकहजार माथि पुगेको छ ।
हिजोमात्र उपत्यकामा ५१२ जना सङ्क्रमित फेला परेका छन । काठमाडौमा ४८०, भक्तपुरमा ४३ र ललितपुरमा २९ जना सङक्रमित फेला परेका छन । देशका १८ जिल्लामा एक हजार भन्दा बढी सङ्क्रमित रहेका छन् ।