काठमाडौँ उपत्यकामा जारी निषेधाज्ञा एक हप्ताका लागि थप गरिएको छ ।
आज उपत्यकाका तीनवटै जिल्लाका प्रमुख जिल्ला अधिकारीहरूको बैठकले जारी निषेधाज्ञा भदौ २४ सम्म लागू हुनेगरी केहि खुकुलो बनाउदै १ हप्ता थप्ने निर्णय गरेको हो ।
यसअघि तीनवटै जिल्लाका प्रमुख जिल्ला अधिकारी, उद्योगी व्यवसायी तथा स्थानिय निकाय र सुरक्षाकर्मीसहितको बैठकमा उद्योग तथा व्यापार व्यवसायीले निषेधाज्ञा खुकुलो पार्नुपर्ने माग गरेका तर स्थानीय जनप्रतिनिधि तथा नगरप्रमुख, स्वास्थ्यकर्मी र सुरक्षाकर्मीले भने निषेधाज्ञा कडा गर्नुपर्ने सुझाव दिएका थिए ।
सरकारले भदौ ३ गते जारी गरेको निषेधाज्ञा भदौ १० सम्म कामय गरिएकोमा पुनः सात दिनलाई थप गरी आज राति १२ बजे सम्मका लागि कायम गरिएको थियो । अब निशेधाज्ञा भदौ २४ मध्यरातीसम्म जारी रहने छ ।
