पत्रकार बलराम बानियाँ मृत अवस्थामा भेटिए
- साउन २८, २०७७
- 0
सोमबारदेखि परिवार र कार्यालयबाट सम्पर्कविहिन रहेका पत्रकार बलराम बानियाँ मृत अवस्थामा भेटिएका छन ।
मकवानपुरको सिस्नेरीस्थित माण्डो जलविद्युत आयोजनामा उनको शव भेटिएको अपराध अनुसन्धान महाशाखाका प्रमुख एसएसपी दीपक थापाले जानकारी दिएका छन ।
बानियाँ दुई दिनदेखि घर नफर्किएको भन्दै परिवारले महानगरीय प्रहरी परिसर काठमाडौं र अपराध अनुसन्धान महाशाखा बानेश्वरमा उजुरी दिएपछि प्रहरीले बानियाँको मोबाइल फोनको प्राविधिक विश्लेषणको आधारमा खोजी थालेको थियो ।
उनको मोबाइल सोमबार दिउँसो १ बजे बल्खु खोला छेऊबाट स्वीच अफ भएको थियो ।अनुसन्धान अधिकृतका अनुसार सोमबार दिउँसो ३ः२३ मा बानियाँ बल्खु खोलाको पुलमुनि देखिएका थिए । बाटो छेऊबाट हिलैहिलो उनी हिँडेको देखेपछि स्थानीयले त्यता नजान भनेका थिए ।
पत्रकार बानियाँ कान्तिपुर दैनिकका सहायक सम्पादक हुन् ।