पछिल्लो २४ घण्टामा काठमाडौ उपत्यकाका ६२ सहित देशभर ३८१ जनामा कोरोना संक्रमण पुष्टि भएको छ । योसँगै देशभर संक्रमितको कुल संख्या २१ हजार ३९० पुगेको छ ।
उपत्यकाको काठमाडौका ५७ जना र ललितपुरका ५ जनामा संक्रमण पुष्टि भएको मन्त्रालयले पत्रकार सम्मेलनमा जानकारी दिएको हो ।
यस्तै पछिल्लो २४ घण्टामा डिस्चार्ज हुनेको संख्या १३० रहेसँगै कुल डिस्चार्ज हुनेको संख्या पनि १५ हजार १५६ पुगेको छ । योसँगै निको हुनेको संख्या ७०.८ प्रतिशत पुगेको छ भने हाल सकृया संक्रमित ६ हजार १७४ जना मात्र रहेका छन ।
यस्तै पछिल्लो २४ घण्टामा कोरोनाका कारण वीरगञ्ज–१५ भिस्वा बस्ने ४६ बर्षका पुरुष र पर्साको पोखरिया नगरपालिका–८ घर भएकी १८ बर्षकी युवतीको मृत्यु भएको मन्त्रालयले पुष्टि गरेको छ । योसँगै कोरोनाका कारण निधन हुनेको संख्या ६० पुगेको छ ।
https://cms.rojgarmanch.com/news/2020/08/14970/
