सांसद यादवसहित पर्सामा थप ६४ जनामा कोरोना सङ्क्रमण पुष्टि

• साउन १७, २०७७
• 1

दिपकप्रसाद गौतम । पर्सा निर्वाचन क्षेत्र नम्बर १ बाट निर्वाचित सांसद प्रदीप यादव, उनका चालक, पीएसओसहित थप ६४ जनामा कोरोना सङ्क्रमणको पुष्टि भएको छ ।

नारायणी अस्पतालको पीसीआर प्रयोगशालामा गरिएको परीक्षणको शुक्रबार राति सार्वजनिक गरिएको रिपोर्टमा पर्सा निर्वाचन क्षेत्र नम्बर १ बाट निर्वाचित सांसद यादव, उनका चालक, पीएसओसहित थप ६४ जनामा कोरोना सङ्क्रमणको पुष्टि भएको नारायणी अस्पतालका मेडिकल सुपरिटेन्डेन्ट डा मदन उपाध्यायले जानकारी दिए ।

सङ्क्रमण पुष्टि भएकामध्ये एक पर्सा निर्वाचन क्षेत्र नं १ का प्रतिनिधिसभा सदस्य (सांसद) प्रदीप यादव, सांसद् यादवका निजी चालक र पीएसओसमेत रहेका छन् । सांसद यादवले आफू कोरोना सङ्क्रमित भएको पुष्टि भएपछि घरमा नै आइसोलेसनमा बसेको र कुनै प्रकारका लक्षण नरहेको तथा स्वास्थ्य अवस्था सामान्य रहेको जानकारी दिए ।

त्यस्तै, सङ्क्रमण पुष्टि हुनेमा नारायणी अस्पतालकै एक डाक्टर र एक जना पारामेडिक स्टाफ रहेको नारायणी अस्पतालका मेडिकल सुपरिटेन्डेन्ट डा मदन उपाध्यायले बताए ।

सङ्क्रमित हुनेमा १५ देखि ६८ वर्ष उमेर समूहका तीन महिला र ६१ पुरुष गरी ६४ जना रहेको उहाँले जानकारी दिए । वीरगञ्ज मिनाबजार गहवा क्षेत्रबाट मात्र ३० घरभन्दा बढी र वीरगञ्ज महानगरपालिका वडा न ६ का २२ जना र वडा नं ८ का ११ जना रहेको बताइएको छ ।

यसअघि वीरगञ्ज महानगरपालिकाका नगरप्रमुख विजयकुमार सरावगीलाई कोरोना सङ्क्रमण पुष्टि भइसकेको छ भने पर्सा जिल्लामा सङ्क्रमितको सङ्ख्या ४६२ पुगेको छ । पर्सा जिल्लामा १३ सङ्क्रमितको मृत्यु भइसकेको पर्साका सहायक प्रमुख जिल्ला अधिकारी ललित बास्नेतले जानकारी दिए ।

सम्बन्धित शीर्षकहरु

स्वदेश फर्किए कतारका राजा

कतारी अमिर शेख थानीको नेपाल भ्रमण : दुई देशबीच एक सम्झौता, सात समझदारीपत्रमा हस्ताक्षर

कर्णालीमा मन्त्रिपरिषद् विस्तार हुँदै, माओवादीबाट परियारको नाम सिफारिस

जस्तोसुकै स्वास्थ्य चुनौतीको सामना गर्न सक्नेगरी पूर्वाधार विकास गर्नुपर्छ : प्रधानमन्त्री दाहाल

जीपसँग ठोक्किँदा मोटरसाइकलमा सवार तीन जनाको मृत्यु

उपचुनाव : बुधबार मध्यरातिबाट प्रसारप्रचार गर्न नपाइने

कतारी राजा थानी र प्रधानमन्त्री दाहालबीच आज भेटवार्ता हुँदै, विभिन्न सम्झौतामा हस्ताक्षर हुने

गोरखा भूकम्पको ९ वर्ष पूरा, जोखिम उस्तै

चार प्रदेशमा मेघगर्जन र चट्याङसहित वर्षाको सम्भावना

राष्ट्रपति पौडेलद्वारा कतारका राजाको सम्मानमा रात्रिभोज आयोजना